ക്വാലാലംപൂര്‍ : മലേഷ്യയിലെ ഷാ ആലത്തില്‍ ബാഡ്മിന്റണ്‍ ഏഷ്യ ടീം ചാമ്പ്യന്‍ഷിപ്പില്‍ ക്വാര്‍ട്ടര്‍ ഫൈനലില്‍ ഹോങ്കോംഗിനെ 3-0ന് തോല്‍പ്പിച്ച് ഇന്ത്യന്‍ വനിതാ ടീം മെഡല്‍ ഉറപ്പിച്ചു. സെമിഫൈനലില്‍ പ്രവേശിച്ചതോടെയാണ് ഇന്ത്യക്ക് കന്നി മെഡല്‍ ഉറപ്പായത്.
ആദ്യ സിംഗിള്‍സ് മത്സരത്തില്‍ പിവി സിന്ധു ഹോങ്കോംഗിന്റെ മുന്‍നിര സിംഗിള്‍സ് താരം ലോ സിന്‍ യാനെ പരാജയപ്പെടുത്തി.ഡബിള്‍സില്‍ തനിഷ ക്രാസ്റ്റോ-അശ്വിനി പൊന്നപ്പ സഖ്യം യയുങ് എന്‍ഗാ ടിംഗും യൂങ് പുയി ലാമും സഖ്യത്തെ തോല്‍പ്പിച്ചു.
രണ്ടാം സിംഗിള്‍സില്‍ അഷ്മിത ചാലിഹ 121-ാം റാങ്കുകാരി യുങ് സം യീയെ തോല്‍പിച്ചതോടെ ഇന്ത്യ വിജയം സ്വന്തമാക്കി.ജപ്പാനും ചൈനയും തമ്മിലുള്ള മറ്റൊരു ക്വാര്‍ട്ടര്‍ ഫൈനലിലെ വിജയിയെയാണ് ഇന്ത്യ ഇനി നേരിടുക.
പ്രതികരിക്കാൻ ഇവിടെ എഴുതുക: