ഇസ്ലാമാബാദ്: ആര്‍ക്കും ഭൂരിപക്ഷം ലഭിക്കാത്തതിനെ തുടര്‍ന്ന് പാകിസ്ഥാനില്‍ സംജാതമായ രാഷ്‌ട്രീയ അനിശ്ചിതത്വം ഒഴിയുന്നു. നവാസ് ഷെറീഫിന്റെ പാകിസ്ഥാന് മുസ്ലിം ലീഗും(പിഎംഎല്‍-എന്‍) ബിലാവല്‍ ഭൂട്ടോ സര്‍ദാരിയുടെ പാകിസ്ഥാന് പീപ്പിള്‍സ് പാര്‍ട്ടിയും(പിപിപി) ചേര്‍ന്ന് സര്‍ക്കാര്‍ രൂപീകരിക്കാനാണ് ധാരണയായത്. പിപിപി മന്ത്രിസഭയില്‍ ചേരാതെ പുറത്തുനിന്ന് പിന്‍തുണയ്‌ക്കുവാനാണ് തീരുമാനം.
പിഎംഎല്‍- എന്‍ പ്രസിഡന്റ് ഷെഹ്ബാസ് ഷെറീഫിനെ പാകിസ്ഥാന് പ്രധാനമന്ത്രി സ്ഥാനത്തേക്ക് നാമനിര്‍ദേശം ചെയ്തു. നവാസ് ഷെറീഫാണ് ഇളയ സഹോദരനാ
യ ഷെഹ്ബാസ് ഷെറീഫി (72)നെ നാമനിര്‍ദ്ദേശം ചെയ്തത്. മകള്‍ മറിയം നവാസിനെ (50) പഞ്ചാബ് പ്രവശ്യയിലെ മുഖ്യമന്ത്രി സ്ഥാനത്തേക്ക് നാമനിര്‍ദേശം ചെയ്തതായും പാകിസ്ഥാന് മുസ്ലീം ലീഗ്-നവാസ് വക്താവ് മറിയം ഔറംഗസേബ് എക്സില്‍ കറിച്ചു.
സര്‍ക്കാര്‍ രൂപീകരിക്കുന്നതിനായി പിഎംഎല്‍എന്നിനെ പിന്തുണച്ച രാഷ്‌ട്രീയ പാര്‍ട്ടികള്‍ക്ക് നവാസ് ഷെറീഫ് നന്ദി പറഞ്ഞു. ഇത്തരം തീരുമാനങ്ങളിലൂടെ പാകിസ്ഥാന് പ്രതിസന്ധികളില്‍ നിന്ന് കരകയറുമെന്ന് പ്രതീക്ഷിക്കുന്നതായി അദ്ദേഹം അഭിപ്രായപ്പെട്ടു.
264 സീറ്റില്‍ കേവല ഭൂരിപക്ഷത്തിന് 133 സീറ്റാണ് വേണ്ടത്. പിഎംഎല്‍- എന്‍ 75 സീറ്റും പിപിപി 54 സീറ്റുകളുമാണ് ഉള്ളത്. ഇതിനിടെ പിപിപി ഒഴിച്ച് ഏതുപാര്‍ട്ടിയുമായി സഖ്യമാകാമെന്ന് പിടിഐ നേതാവ് ഇമ്രാന്‍ ഖാന്‍ വ്യക്തമാക്കി. അഴിമതിക്കേസില്‍ ജയിലില്‍ കഴിയുന്നതിനാല്‍ ഇമ്രാന്റെ പാര്‍ട്ടിയുടെ സാധ്യതകള്‍ അടയുകയാണ്.
പ്രതികരിക്കാൻ ഇവിടെ എഴുതുക: