തിരുവനന്തപുരം: രഞ്ജി ട്രോഫി ക്രിക്കറ്റില്‍ ബംഗാളിനെതിരെ കേരളം ആദ്യ ഇന്നിംഗ്‌സ് ലീഡിലേക്ക്. കേരളത്തിന്റെ ആദ്യ ഇന്നിംഗ്‌സ് സ്‌കോറായ 363 റണ്‍സിനൊപ്പമെത്താന്‍ രണ്ട് വിക്കറ്റ് മാത്രം കൈയിലിരിക്കെ ബംഗാളിന് 191 റണ്‍സാണ് വേണ്ടത്.
ഒന്നാം ഇന്നിംഗ്‌സില്‍ ബാറ്റ് ചെയ്യുന്ന ബംഗാള്‍ രണ്ടാം ദിനം കളി അവസാനിക്കുമ്പോള്‍ എട്ട് വിക്കറ്റ് നഷ്ടത്തില്‍ 172 റണ്‍സെന്ന നിലയിലാണ്.ഓപ്പണര്‍ അഭിമന്യു ഈശ്വരന്‍ 93 പന്തില്‍ 11 ബൗണ്ടറിയടക്കം 72 റണ്‍സെടുത്തു. സുദീപ് കുമാര്‍ (33), കരണ്‍ ലാല്‍ (27*) എന്നിവര്‍ മാത്രമാണ് പിന്നീട് രണ്ടക്കം കടന്ന ബംഗാള്‍ താരങ്ങള്‍. കേരളത്തിനായി ജലജ് സക്സേന ഏഴ് വിക്കറ്റ് നേടി.
കേരളം രണ്ടാം ദിനത്തില്‍ നാലിന് 265 എന്ന ശക്തമായ നിലയിലാണ് ബാറ്റിംഗ് പുനഃരാരംഭിച്ചത്. സച്ചിന്‍ ബേബി 124 റണ്‍സ് നേടി പുറത്തായതോടെ മറ്റ് ബാറ്റ്‌സ്മാന്മാരും വേഗത്തില്‍ മടങ്ങി. 72 റണ്‍സിലാണ് അവസാന ആറ് വിക്കറ്റ് കേരളത്തിന് നഷ്ടമായത്. കേരളത്തിന് വേണ്ടി 106 റണ്‍സെടുത്തു.
ബംഗാളിന് വേണ്ടി ഷബാസ് അഹമ്മദ് നാല് വിക്കറ്റെടുത്തു. അങ്കിത് മിശ്ര മൂന്ന് വിക്കറ്റും വീഴ്‌ത്തി.
പ്രതികരിക്കാൻ ഇവിടെ എഴുതുക: