ബഹ്‌റൈൻ പൊതുമരാമത്ത് വകുപ്പ് മന്ത്രി ഭാരതത്തിന്റെ അംബാസഡറുമായി കൂടിക്കാഴ്‌ച്ച നടത്തി

മനാമ: ബഹ്‌റൈൻ പൊതുമരാമത്ത് വകുപ്പ് മന്ത്രി ഇബ്രാഹിം ബിൻ ഹസ്സൻ അൽ ഹവാജ് ബഹ്‌റൈനിലെ ഭാരതത്തിന്റെ അംബാസഡർ വിനോദ് കുര്യൻ ജേക്കബുമായി കൂടിക്കാഴ്‌ച്ച നടത്തി. ഫെബ്രുവരി 1-ന് ബഹ്‌റൈൻ ന്യൂസ് ഏജൻസിയാണ് ഇക്കാര്യം റിപ്പോർട്ട് ചെയ്തത്.

ഇരു രാജ്യങ്ങളും തമ്മിലുള്ള ചരിത്രപരമായ ബന്ധങ്ങളെക്കുറിച്ച് ഇരുവരും ചർച്ച ചെയ്‌തു. കൂടാതെ ഉഭയകക്ഷി ബന്ധങ്ങൾ ശക്തമാക്കുന്നതിനെക്കുറിച്ചും, അടിസ്ഥാന സൗകര്യവികസനം ഉൾപ്പടെയുള്ള വിവിധ മേഖലകളിൽ സഹകരിച്ച് പ്രവർത്തിക്കുന്നതിനെക്കുറിച്ചും ഇരുവരും വിശകലനം ചെയ്‌തു.