നിർത്തിയിട്ടിരുന്ന ഇലക്ട്രിക് സ്‌കൂട്ടർ കത്തിനശിച്ചു; സംഭവം താമരശ്ശേരിയിൽ

കോഴിക്കോട്: താമരശ്ശേരിയിൽ നിർത്തിയിട്ട ഇലക്ട്രിക് സ്‌കൂട്ടർ കത്തിനശിച്ചു. പൂനൂർ ചീനിമുക്കിലായിരുന്നു സംഭവം. ഇന്നലെ വൈകിട്ട് ആറ് മണിയോടെയാണ് സ്‌കൂട്ടറിൽ തീപിടിച്ചത്.

ചീനിമുക്കിലെ മെഡിക്കൽ ഷോപ്പ് ഉടമയുടെ വാഹനമാണ് പൂർണമായും അഗ്നിക്കിരയായത്. ഷോപ്പിന് മുന്നിൽ നിർത്തിയിട്ടിരുന്ന സ്‌കൂട്ടറാണ് കത്തിയമർന്നത്.