കൊച്ചി: കേരള സന്ദര്‍ശനത്തിനായി ജീവനകലയുടെ ആചാര്യന്‍ ശ്രീശ്രീ രവിശങ്കര്‍ ഫെബ്രുവരി 16ന് കണ്ണൂരിലെത്തും. മൂന്ന് ദിവസമായി കണ്ണൂര്‍, തിരുവനന്തപുരം, കൊച്ചി എന്നിവിടങ്ങളില്‍ വിവിധ പരിപാടികളില്‍ അദ്ദേഹം പങ്കെടുക്കും. സംഘര്‍ഷരഹിതമായ ജീവിതം, ലഹരിമുക്ത ഭാരതം, മെഡിറ്റേഷന്റെ പ്രധാന്യം എന്നിവ ഉയര്‍ത്തിപ്പിടിച്ച് വിപുലമായ പരിപാടികള്‍ ആണ് സന്ദര്‍ശനവുമായി ബന്ധപ്പെട്ട് ആര്‍ട്ട് ഓഫ് ലിവിങ് സംഘടിപ്പിട്ടുള്ളത്.
കണ്ണൂരില്‍ അയ്യായിരത്തിലേറെ പേരുടെ ഹാപ്പിനസ് മഹോത്സവ് നടത്തും. 16ന് രാവിലെ ഇതിന്റെ സമാപന പരിപാടിയില്‍ അദ്ദേഹം പങ്കെടുക്കും. നായനാര്‍ സ്മാരക ഓഡിറ്റോറിയത്തില്‍ കോഴ്സില്‍ പങ്കെടുത്തവരുമായി അദ്ദേഹം സംവദിക്കും.
വൈകിട്ട് തിരുവനന്തപുരം നിശാഗന്ധി ഓഡിറ്റോറിയത്തില്‍ ആയിരക്കണക്കിന് യുവാക്കളുമായി ആശയവിനിമയം നടത്തും. 17ന് രാവിലെ ഗിരിദീപം കണ്‍വെന്‍ഷന്‍ സെന്ററില്‍ ഹാപ്പിനസ് മഹോത്സവം ചെയ്ത നാലായിരത്തിലധികം പേരെ അഭിസംബോധന ചെയ്യും.
18ന് രാവിലെ കൊച്ചി അങ്കമാലി അഡ്ലക്സ് കണ്‍വെന്‍ഷന്‍ സെന്റററില്‍ ടൈംലെസ് വിസ്ഡം, അണ്‍റാവല്ലിങ് ദ സീക്രട്ട്സ് എന്ന ജ്ഞാനാധിഷ്ഠിത പരിപാടിയില്‍ പ്രഭാഷണം നടത്തും. വൈകിട്ട് നെടുമ്പാശ്ശേരി ഗോള്‍ഫ് ക്ലബ് മൈതാനിയില്‍ കേരളം മെഡിറ്റേറ്റ്സ് വിത്ത് ഗുരുദേവ് എന്ന ജ്ഞാന, ധ്യാന സംഗീതസന്ധ്യയില്‍ കേരളത്തിലെ പ്രമുഖവ്യക്തികള്‍ ഉള്‍പ്പെടെ ഒരുലക്ഷത്തോളം വരുന്ന ആളുകളെ അദ്ദേഹം ധ്യാനത്തിലേക്ക് നയിക്കും.
പ്രതികരിക്കാൻ ഇവിടെ എഴുതുക: