ശിവ ധനുസ് മുതൽ പട്ടാഭിഷേകം വരെ.! രാമായണ കഥ പറയുന്ന ആലിയയുടെ സാരി വൈറൽ

അയോധ്യ രാമക്ഷേത്രത്തിലെ പ്രതിഷ്ഠാ ചടങ്ങിൽ പങ്കെടുക്കാൻ രാജ്യത്തിന്റെ പലഭാഗങ്ങളിൽ നിന്നായി നിരവധി പേരെത്തിയിരുന്നു. അമിതാഭ് ബച്ചൻ, രജനീകാന്ത്, ധനുഷ്, ആലിയ ഭട്ട്, രൺവീർ കപൂർ, കത്രീന കൈഫ്, വിക്കി കൗശൽ തുടങ്ങി വലിയ താരനിര തന്നെ ചടങ്ങിൽ എത്തിയിരുന്നു. ചടങ്ങിനെത്തിയപ്പോഴുള്ള ആലിയയുടെ വസ്ത്രങ്ങളാണ് ഇപ്പോൾ ചർച്ചയാകുന്നത്.

മറ്റ് നടിമാരിൽ നിന്നും വ്യത്യസ്തയായി രാമായണത്തിലെ പ്രധാന ഭാഗങ്ങൾ കോർത്തിണക്കി സിംപിൾ സാരിയാണ് ആലിയ ധരിച്ചത്. രാമായണ കഥയുടെ ചിത്രങ്ങൾ വരച്ച സാരി ധരിച്ചാണ് ആലിയ എത്തിയത്. ശിവ ധനുസ് മുതൽ വനവാസവും പട്ടാഭിഷേകവും അടങ്ങുന്ന ഭാഗമാണ് സാരിയുടെ മുന്താണിയിൽ വരച്ചിരിക്കുന്നത്. 100 മണിക്കൂർ പ്രയത്‌നിച്ചാണ് സാരി പൂർത്തിയാക്കിയത്.

സാരിക്കും മിനിമലിസ്‌റ് മേക്കപ്പിനുമൊപ്പം സിമ്പിൾ ഹെയർ സ്‌റ്റൈൽ തിരഞ്ഞെടുത്തതിനാൽ ആലിയയുടെ ഈ ലുക്ക് ആരാധകർക്ക് ഏറ്റെടുത്തിരിക്കുകയാണ്. സാരിയിൽ ചിത്രങ്ങൾ വരയ്‌ക്കുന്നതിന്റെയും ആലിയയും രൺവീറും ഒന്നിച്ചു നിൽക്കുന്ന ചിത്രങ്ങളുമാണ് അമി പട്ടേൽ പങ്കുവെച്ചിരിക്കുന്നത്. വെളുത്ത കുർത്തയും ജോഡിയായി ധോത്തിയും ബീജ് ഷാളും ധരിച്ചാണ് രൺവീർ ചടങ്ങിൽ പങ്കെടുത്തത്.