അയോധ്യയിലെ രാമക്ഷേത്രത്തില്‍ നടക്കുന്ന പ്രാണപ്രതിഷ്ഠാച്ചടങ്ങുകള്‍ വിശ്വത്തിന്റെ തന്നെ ഉത്സവമാണെന്ന് ബോളിവുഡ് താരം വിവേക് ഒബ്റോയി. ഞായറാഴ്ച തന്നെ അയോധ്യയില്‍ എത്തിയ അദ്ദേഹം മാധ്യമങ്ങളോട് സംസാരിക്കുകയായിരുന്നു.
സാത്ത് കൊറിയ, ജപ്പാന്‍, യുഎസ് തുടങ്ങി ഒട്ടേറെ രാജ്യങ്ങളില്‍ നിന്നും ഭക്തര്‍ എത്തുന്നുണ്ട്. അതുകൊണ്ട് തന്നെ ഇത് ഭാരതത്തിന്റെ മാത്രം ഉത്സവമല്ല, വിശ്വത്തിന്റെയാകെ ഉത്സവമാണെന്നും വിവേക് ഒബ്റോയി പറഞ്ഞു.
“500 വര്‍ഷത്തെ വനവാസത്തിന് ശേഷമാണ് ബാലക രാമന്‍ സ്വന്തം വീടായ അയോധ്യയില്‍ തിരിച്ചെത്തിയിരിക്കുന്നത്. ലക്ഷക്കണക്കിന് പേരുടെ ബലിദാനത്തിന് ശേഷമാണ് ബാലകരാമന്‍ വീടെത്തിയിരിക്കുന്നത്.” – വിവേക് ഒബ്റോയി പറഞ്ഞു.
രാമന്‍ ഭഗവാന്‍ മാത്രമല്ല, രാമന്‍ ആദര്‍ശം കൂടിയാണ് എന്നും വിവേക് ഒബ്റോയി പറഞ്ഞു. ആനന്ദാതിരേകത്താല്‍ അദ്ദേഹം ജയ് ശ്രീറാം എന്ന് ഉച്ചത്തില്‍ വിളിക്കുകയും ചെയ്തിരുന്നു.
പ്രതികരിക്കാൻ ഇവിടെ എഴുതുക: