പാലസമുദ്രം (ആന്ധ്രാപ്രദേശ്): ശ്രീരാമന്‍ സദ്ഭരണത്തിന്റെ പ്രതീകമെന്ന് പ്രധാനമന്ത്രി നരേന്ദ്ര മോദി. പ്രാണപ്രതിഷ്ഠയോടനുബന്ധിച്ച് രാജ്യം രാമഭക്തിയില്‍ മുഴുകിയിരിക്കുകയാണ്. ഭക്തിക്കുമപ്പുറം, പ്രചോദനമേകുന്നതാണ് രാമന്റെ ജീവിതം. സാമൂഹിക ജീവിതത്തില്‍ സദ്ഭരണത്തിന്റെ പ്രതീകമാണ് രാമനെന്നും പ്രധാനമന്ത്രി പറഞ്ഞു. ആന്ധ്രാപ്രദേശിലെ പാലസമുദ്രത്തില്‍ നാഷണല്‍ അക്കാദമി ഓഫ് കസ്റ്റംസ്, ഇന്‍ഡയറക്ട് ടാക്‌സസ് ആന്‍ഡ് നാര്‍ക്കോട്ടിക്‌സിന്റെ (എന്‍എസിഐഎന്‍) പുതിയ ക്യാമ്പസ് ഉദ്ഘാടനം ചെയ്യുകയായിരുന്നു അദ്ദേഹം.
രാമന്‍ തന്റെ ജീവിതത്തിലൂടെ പകര്‍ന്നുതന്ന പ്രചോദനം ക്യാമ്പസിന് പ്രയോജനപ്പെടുത്താമെന്നും അദ്ദേഹം നിര്‍ദേശിച്ചു. പ്രാണപ്രതിഷ്ഠയോടനുബന്ധിച്ച് പതിനൊന്ന് ദിവസത്തെ വ്രതത്തിലാണ് ഞാനെന്ന് നിങ്ങള്‍ക്കറിയാം. ഈ പുണ്യസമയത്ത് ലേപാക്ഷി വീരഭദ്ര ക്ഷേത്രം സന്ദര്‍ശിച്ച് അനുഗ്രഹീതനായി. രാമായണവുമായി സുപ്രധാന ബന്ധമുള്ള ക്ഷേത്രമാണിത്. രാമനും ജടായുവും കണ്ടുമുട്ടിയ സ്ഥലമാണിതെന്നാണ് വിശ്വാസമെന്നും അദ്ദേഹം വ്യക്തമാക്കി.
പ്രതികരിക്കാൻ ഇവിടെ എഴുതുക: