കല്‍പ്പറ്റ: സംസ്ഥാനത്ത് വിവിധയിടങ്ങളില്‍ മോഷണ കേസുകളില്‍ ഉള്‍പ്പെട്ട തമിഴ്‌നാട് സ്വദേശിനികളായ മൂന്ന് സ്ത്രീകള്‍ വയനാട്ടില്‍ പിടിയിലായി.
ചെങ്കല്‍പേട്ട് സ്വദേശിനികളായ ഇന്ദു, ജാന്‍സ്, ദേവി, എന്നിവരെയാണ് പൊലീസ് അറസ്റ്റ് ചെയ്തത്. മാനന്തവാടി സ്വദേശിനി വൃദ്ധയുടെ മാല കവര്‍ന്ന കേസിലാണ് ഇവരെ പിടികൂടിയത്
വെള്ളിയാഴ്ച ആശുപത്രിയില്‍ നിന്ന് മടങ്ങിയ വൃദ്ധയെ ഇപ്പോള്‍ പിടിയിലായ സ്ത്രീകള്‍ നിര്‍ബന്ധിച്ച് ഓട്ടോറിക്ഷയില്‍ കയറ്റുകയായിരുന്നു. ഇതിനിടെ ഇവര്‍ മാല മോഷ്ടിച്ചു. പിന്നാലെ സംഘം വഴിയില്‍ ഇറങ്ങി. വീട്ടില്‍ എത്തിയപ്പോളാണ് മാല നഷ്ടപ്പെട്ടതായി വൃദ്ധ അറിഞ്ഞത്.
പൊലീസില്‍ പരാതി നല്‍കിയ പ്രകാരം നടത്തിയ അന്വേഷണത്തില്‍ സിസിടിവി ദൃശ്യങ്ങളില്‍ നിന്ന് ലഭിച്ച തെളിവുകളുടെ അടിസ്ഥാനത്തിലാണ് മൂവര്‍ സംഘം പിടിയിലായത്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: