കുട്ടിയെ പരിചരിക്കാനെത്തി, 72,000 രൂപയുടെ അരഞ്ഞാണം കവർന്നു; യുവതി പിടിയിൽ

എറണാകുളം: പോത്തൻകോട് കുഞ്ഞിന്റെ സ്വർണ അരഞ്ഞാണം മോഷ്ടിച്ച കേസിൽ വീട്ടുജോലിക്കാരി പിടിയിൽ. മണക്കുന്നം ഉദയംപേരൂർ സ്വദേശിനി അഞ്ജുവാണ് പിടിയിലായത്. പിടവൂർ ഭാഗത്തെ വീട്ടിൽ കുട്ടിയെ പരിചരിക്കുന്നതിയാനായി എത്തിയതായിരുന്നു ഇവർ.

ഈ കഴിഞ്ഞ എട്ടിനാണ് കേസിന് ആസ്പദമായ സംഭവം നടക്കുന്നത്. ഒന്നര വയസ് മാത്രം പ്രായമുള്ള കുഞ്ഞിന്റെ 72,000 രൂപ വിലമതിക്കുന്ന അരഞ്ഞാണം മോഷ്ടിച്ച യുവതി ഇവിടെ നിന്നും കടന്നു കളഞ്ഞു. പുതിയ കാവിലെ ലോഡ്ജിൽ നിന്നാണ് ഇവരെ പിടികൂടിയത്.