ന്യൂദല്‍ഹി : ഏക ഭാരതം, ശ്രേഷ്ഠ ഭാരതമെന്ന വികാരത്തെ പ്രതിഫലിപ്പിക്കുന്ന ആഘോഷമാണ് പൊങ്കല്‍, ഈ വികാരം 2047ല്‍ വികസിത ഭാരത്തെ കെട്ടിപ്പെടുത്തു. സമൃദ്ധിയുടെ ഉത്സവമായ പൊങ്കലിന് എല്ലാവര്‍ക്കും ആശംസകള്‍ അറിയിക്കുന്നതായി പ്രധാനമന്ത്രി . കേന്ദ്ര സഹമന്ത്രി ഡോ. എല്‍. മുരുഗന്റെ ദല്‍ഹിയിലെ വസതിയിലെത്തി അദ്ദേഹത്തിനും കുടുംബത്തിനുമൊപ്പം പൊങ്കല്‍ ആഘോഷങ്ങളിലും പ്രധാനമന്ത്രി പങ്കെടുത്തു. തമിഴ്നാട്ടിലെ പാരമ്പര്യ വസ്ത്രം അണിഞ്ഞാണ് പ്രധാനമന്ത്രി എത്തിയത്. കറുത്ത കോട്ടും വെള്ള മുണ്ടും ദോത്തിയുമായിരുന്നു വസ്ത്രം.
തിരുവള്ളുവരെ ഉദ്ധരിച്ചുകൊണ്ട് വിദ്യാസമ്പന്നരായ പൗരന്മാര്‍, സത്യസന്ധരായ വ്യവസായികള്‍ എന്നിവ പോലെ തന്നെ രാഷ്‌ട്രനിര്‍മ്മാണത്തില്‍ നല്ല വിളവിനും പങ്കുണ്ട്. പൊങ്കല്‍ കാലത്ത് ദൈവത്തിന് പുതിയ വിളകള്‍ അര്‍പ്പിക്കുന്നതായും പ്രധാനമന്ത്രി പറഞ്ഞു. എല്ലാ ഗ്രാമീണ ഉത്സവങ്ങള്‍ക്കും കാര്‍ഷിക വിളവെടുപ്പിനും പങ്കുണ്ട്്്. മില്ലറ്റുകളും തമിഴ് പാരമ്പര്യങ്ങളും തമ്മിലുള്ള ബന്ധത്തെക്കുറിച്ച് കഴിഞ്ഞ തവണ സംസാരിച്ചതും പ്രധാനമന്ത്രി ഓര്‍മ്മിച്ചു.
പൊങ്കല്‍ ആഘോഷവേളയില്‍ തമിഴ് സമുദായത്തിലെ സ്ത്രീകള്‍ വീടിന് പുറത്ത് കോലം വരയ്‌ക്കുന്ന പാരമ്പര്യത്തെ കുറിച്ചും പ്രധാനനമന്ത്രി പറഞ്ഞു. മാവ് ഉപയോഗിച്ച് നിലത്ത് ഒന്നിലധികം കുത്തുകള്‍ ഉണ്ടാക്കിയാണ് രൂപകല്പന ചെയ്തിരിക്കുന്നതെന്നും ഓരോന്നിനും വ്യത്യസ്ത പ്രാധാന്യമുണ്ടെന്നും ചൂണ്ടിക്കാട്ടി. എന്നാല്‍ കോലത്തിന്റെ യഥാര്‍ത്ഥ രൂപം കൂടുതല്‍ ഗംഭീരമാകുന്നത് ഈ കുത്തുകളെല്ലാം കൂട്ടിച്ചേര്‍ത്ത് ഒരു വലിയ കലാസൃഷ്ടി സൃഷ്ടിക്കാന്‍ വര്‍ണ്ണം നിറയ്‌ക്കുമ്പോഴാണ്. രാജ്യത്തിന്റെ എല്ലാ കോണുകളും വൈകാരികമായി പരസ്പരം ബന്ധിപ്പിക്കുമ്പോള്‍ രാജ്യത്തിന്റെ ശക്തി പുതിയ രൂപത്തില്‍ പ്രത്യക്ഷപ്പെടുന്നു. പൊങ്കല്‍ ഉത്സവം ഏക് ഭാരത് ശ്രേഷ്ഠ ഭാരതത്തിന്റെ ദേശീയ ചൈതന്യത്തെ പ്രതിഫലിപ്പിക്കുന്നു. കാശി- തമിഴ് സംഗമം, സൗരാഷ്‌ട്ര- തമിഴ് സംഗമം തുടങ്ങിയ പാരമ്പര്യത്തിലും ഇതേ മനോഭാവം കാണാം.
2047-ഓടെ ഒരു വികസിത ഭാരതം കെട്ടിപ്പടുക്കുന്നതിനുള്ള ഏറ്റവും വലിയ ശക്തിയാണ് ഈ ഐക്യബോധം. ചെങ്കോട്ടയില്‍ നിന്ന് ഞാന്‍ വിളിച്ച പഞ്ചപ്രാണിന്റെ പ്രധാന ഘടകം രാജ്യത്തിന്റെ ഐക്യത്തിന് ഊര്‍ജം പകരാനും ഐക്യം ശക്തിപ്പെടുത്താനുമാണ്. . പൊങ്കലിന്റെ ഈ മഹത്തായ അവസരത്തില്‍ രാഷ്‌ട്രത്തിന്റെ ഐക്യം ശക്തിപ്പെടുത്തുന്നതിനുള്ള പ്രമേയത്തിനായി നമ്മെത്തന്നെ പുനര്‍നിര്‍മ്മിക്കണമെന്നും പ്രധആനമന്ത്രി ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: