അല്‍ റയാന്‍: എഎഫ്സി ഏഷ്യന്‍ കപ്പ് ഫുട്‌ബോളിന്റെ ചരിത്രത്തില്‍ ആദ്യമായി വനിതാ റഫറി കളി നിയന്ത്രിക്കാനിറങ്ങുന്നത് ഇന്ന്. ഗ്രൂപ്പ് ബിയില്‍ ഭാരതവും ഓസ്‌ട്രേലിയയും തമ്മിലുള്ള മുഹമ്മദ് ബിന്‍ അലി സ്‌റ്റേഡിയത്തിലെ പോരാട്ടത്തില്‍ ആദ്യാവസാനം വിസില്‍ മുഴക്കി യോഷിമി യമാഷിറ്റ ഉണ്ടാകും.
ജപ്പാനില്‍ നിന്നുള്ള റഫറിയാണ് ഈ 37കാരി. യോഷിമി യമാഷിറ്റയ്‌ക്കൊപ്പം സഹ റഫറിമാരായും വനിതകള്‍ തന്നെയായിരിക്കും സൈഡ്‌ലൈനില്‍ ഉണ്ടാവുക. മകോറ്റോ ബോസൊനോ, നവോമി ടെഷിറോഗി എന്നിവരാണ് സഹറഫറിമാര്‍. ഈ മൂന്ന് പേരും ഇതിന് മുമ്പ് 2019ലെ എഎഫ്സി കപ്പ് ക്ലബ്ബ് മത്സരങ്ങളിലും 2022 എഎഫ്സി ചാമ്പ്യന്‍സ് ലീഗ് മത്സരങ്ങളും കുടാതെ കഴിഞ്ഞ വര്‍ഷം ജപ്പാന്റെ ജെ വണ്‍ ലീഗും നിയന്ത്രിച്ചിട്ടുണ്ട്. പ്രധാന റഫറിയായ യമാഷിറ്റ രണ്ട് വനിതാ ലോകകപ്പുകളില്‍ കളി നിയന്ത്രിച്ചിട്ടുണ്ട്. 2022 ഫിഫ ലോകകപ്പിലും മാച്ച് ഒഫിഷ്യല്‍ ആയിരുന്നു.
പ്രതികരിക്കാൻ ഇവിടെ എഴുതുക: