വെഞ്ഞാറമൂട്: അയ്യന്റെ മുന്‍പിന്‍ അര്‍ച്ചനയായി തിരുവാതിര അവതരിപ്പിച്ച് വെഞ്ഞാറമൂട് ജീവകല കലാസാംസ്‌കാരിക മണ്ഡലത്തിലെ കുഞ്ഞ് നര്‍ത്തകിമാര്‍. പുതുവര്‍ഷ പുലരിയിലാണ് തിരുവാതിര അവതരിപ്പിച്ചത്.
ജീവകലയുടെ ആഭിമുഖ്യത്തില്‍ വര്‍ഷങ്ങളായി ശബരിമലയില്‍ മാളികപ്പുറങ്ങള്‍ തിരുവാതിര അവതരിപ്പിക്കുന്നുണ്ട്. ഇക്കൊല്ലം പ്രസിദ്ധ എസ്.ആര്‍., ആദിലക്ഷ്മി എസ്.എന്‍., നില സനില്‍, ആദിത്യ എന്‍.ബി., പാര്‍വണ ജെ., അപര്‍ണ എ.എസ്., അനന്തശ്രീ സി,, ദക്ഷാരാജ് ആര്‍, ശിവനന്ദ എല്‍. ആര്‍., അനന്യമനു, അലംകൃത അഭിലാഷ്, ഹൃദ്യ സുമേഷ്, ദിയ പി.എസ്. നായര്‍, ആരാധ്യ ആര്‍.പി. എന്നിവരാണ് തിരുവാതിര ചുവടുകള്‍ വച്ചത്.
ശബരിമല തന്ത്രി കണ്ഠരരു മഹേഷ് മോഹനര്, ക്ഷേത്ര മേല്‍ശാന്തി പി.എന്‍. മഹേഷ് നമ്പൂതിരി, പിആര്‍ഒ സുനില്‍ അരുമാനൂര്‍, ഉണ്ണികൃഷ്ണന്‍ പോറ്റി, മാധവന്‍ പോറ്റി എന്നിവര്‍ ഭദ്രദീപം കൊളുത്തിയാണ് തിരുവാതിര അര്‍ച്ചന ആരംഭിച്ചത്. സന്നിധാനം ആഡിറ്റോറിയത്തില്‍ നടന്ന ചടങ്ങുകള്‍ക്ക് ജീവകല സെക്രട്ടറി വി.എസ്. ബിജുകുമാര്‍, ജോയിന്റ് സെക്രട്ടറി പി. മധു, ട്രഷറര്‍ കെ. ബിനുകുമാര്‍, സന്തോഷ് വെഞ്ഞാറമൂട്, സാജു മാധവ് എന്നിവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: