അയോദ്ധ്യ ശ്രീരാമക്ഷേത്രത്തിലെ അക്ഷത് സ്വീകരിച്ച് കെഎസ് ചിത്ര; ലഘുലേഖയും ക്ഷണപത്രവും കൈമാറി

അയോദ്ധ്യയിലെ പ്രാണ പ്രതിഷ്ഠാ ചടങ്ങിന് വേണ്ടിയുള്ള കാത്തിരിപ്പിലാണ് ഭക്തർ. ഇതിനോടനുബന്ധിച്ച് രാജ്യത്തെ വിശിഷ്ട വ്യക്തികളിലേക്ക് രാംലല്ലയുടെ അക്ഷതം എത്തിച്ച് ക്ഷണം അറിയിക്കുകയാണ് ഭക്തർ.

ഇപ്പോഴിതാ രാംലല്ലയുടെ ചൈതന്യം നിറഞ്ഞ അക്ഷതം ഏറ്റുവാങ്ങിയിരിക്കുകയാണ് കേരളത്തിന്റെ വാനമ്പാടി കെഎസ് ചിത്ര. രാഷ്‌ട്രീയ സ്വയം സേവക് സംഘം എറണാകുളം വിഭാഗ് സഹകാര്യവാഹ് രാജേഷ് ആണ് അക്ഷത് കൈമാറിയത്. അക്ഷതും ലഘുലേഖയും ക്ഷണപത്രവുമാണ് കൈമാറിയത്.

ഇന്നലെ പുതുവത്സര ദിനത്തിലാണ് സംഘാടകർ പൂജിച്ച അക്ഷത് വിതരണം ആരംഭിച്ചത്. മഞ്ഞളും നെയ്യും ചേർത്ത അരിയാണ് അക്ഷത് എന്നറിയപ്പെടുന്നത്. പ്രതിഷ്ഠാ ചടങ്ങിന് ഒരാഴ്ച മുമ്പ് ജനുവരി 15-വരെ വിതരണം തുടരും.