തമിഴ്‌നാട്ടില്‍ നിന്നുള്ള ശബരിമല തീര്‍ത്ഥാടകര്‍ സഞ്ചരിച്ച കാര്‍ അപകടത്തില്‍പ്പെട്ടു, അഞ്ച് പേര്‍ക്ക് പരിക്ക്; ഒരാള്‍ ഗുരുതരാവസ്ഥയില്‍

പത്തനംതിട്ട: തമിഴ്‌നാട് സ്വദേശികളായ ശബരിമല തീര്‍ത്ഥാടകര്‍ കാര്‍ ടിപ്പറുമായി കൂട്ടിയിടിച്ച് 5 പേര്‍ക്ക് പരിക്ക്. ഇതില്‍ ഒരാളുടെ നില ഗുരുതരാവസ്ഥയിലാണ്. വെള്ളിയാഴ്ച കോന്നി പാലം ജങ്ഷനില്‍ വെച്ചാണ് അപകടമുണ്ടായത്.

തമിഴ്‌നാട് കൃഷ്ണഗിരി സ്വദേശികളാണ് അപകടത്തില്‍ പെട്ടത്. പരിക്കേറ്റ ഒരാളെ കോട്ടയം മെഡിക്കല്‍ കോളേജ് ആശുപത്രിയിലാണ് പ്രവേശിപ്പിച്ചിട്ടുള്ളത്.