തിരുവനന്തപുരം: ശിവഗിരി തീര്‍ത്ഥാടനത്തോടനുബന്ധിച്ച് സര്‍വ്വമത സമ്മേളനത്തിന്റെ ശതാബ്ദിയാഘോഷത്തിന്റെ ഭാഗമായി ആലുവ അദൈ്വതാശ്രമത്തില്‍ നിന്നും ശിവഗിരി തീര്‍ത്ഥാടന പദയാത്ര 21 നു രാവിലെ 7.30 ന് പുറപ്പെടും.
ശിവഗിരി തീര്‍ത്ഥാടന പദയാത്രയുടെ ഉദ്ഘാടനം ഇന്ന് വൈകിട്ട് 4.30 ന് ആലുവ അദൈ്വതാശ്രമത്തില്‍ പദയാത്ര ക്യാപ്റ്റന്‍ എം.വി. സലീമിന് ധര്‍മ്മ പതാക കൈമാറിക്കൊണ്ട് ശ്രീനാരായണ ധര്‍മ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ നിര്‍വഹിക്കും. എസ്എന്‍ഡിപി. യോഗം പ്രസിഡന്റ് ഡോ. എം.എന്‍. സോമന്റെ അദ്ധ്യക്ഷതയില്‍ ചേരുന്ന സമ്മേളനം പ്രൊഫ. എം.കെ. സാനു ഉദ്ഘാടനം ചെയ്യും. ശ്രീനാരായണ ധര്‍മ്മ സംഘം ജനറല്‍ സെക്രട്ടറി സ്വാമി ശുഭാംഗാനന്ദ അനുഗ്രഹ പ്രഭാഷണം നടത്തും.
അന്‍വര്‍ സാദത്ത് എംഎല്‍എ, ആലുവ മുനിസിപ്പല്‍ ചെയര്‍മാന്‍ എം.ഒ. ജോണ്‍, സ്വാമി ശാരദാനന്ദ, സ്വാമി ധര്‍മ്മചൈതന്യ, സ്വാമി അസംഗാനന്ദഗിരി, കെ.കെ. ജോഷി, സന്തോഷ് ബാബു, കെ.എസ്. സ്വാമിനാഥന്‍, അഡ്വ. പി.എം. മധു, ചന്ദ്രന്‍ പുളിങ്കുന്ന്, അഡ്വ. ആര്‍. അജന്തകുമാര്‍, എം.എന്‍. മോഹനന്‍, എന്‍.കെ. ബൈജു, എം.ബി. രാജന്‍, കെ.എന്‍. ദിവാകരന്‍ എന്നിവര്‍ പ്രസംഗിക്കും.
പ്രതികരിക്കാൻ ഇവിടെ എഴുതുക: