വീടിന് മുന്നിൽ പാർക്ക് ചെയ്തിരുന്ന ബൈക്കുമായി കടന്നു; പ്രതി പിടിയിൽ

തിരുവനന്തപുരം: വീടിന്റെ മുന്നിലിരുന്ന ബൈക്കുമായി കടന്നു കളഞ്ഞ യുവാവ് അറസ്റ്റിൽ. വെള്ളറട പുലിയൂർ ശാലയിൽ വീടിന് മുൻവശത്ത് പാർക്ക് ചെയ്തിരുന്ന ബൈക്ക് മോഷ്ടിച്ച കേസിലാണ് അറസ്റ്റ്. വെള്ളറട സ്വദേശി സന്തോഷിനെയാണ് പിടികൂടിയത്. വീടിന് മുൻവശത്ത് പാർക്ക് ചെയ്തിരുന്ന ബൈക്ക് മോഷ്ടിച്ചതിനെ തുടർന്നാണ് അറസ്റ്റ്.

പ്രതി ബൈക്കുമായി കടന്നു കളയുന്നതിന്റെ സിസിടിവി ദൃശ്യങ്ങൾ പോലീസിന് ലഭിച്ചിരുന്നു.ഇതോടെയാണ് സന്തോഷിനെ പിടികൂടിയത്. ഇയാൾക്കെതിരെ പാറശ്ശാല പോലീസ് സ്‌റ്റേഷനിലും സമാന കേസ് നിലവിലുള്ളതായി പോലീസ് വ്യക്തമാക്കി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.