തിരുവനന്തപുരം: പാലക്കാട്ടെ കോണ്‍ഗ്രസ് നേതാവ് എ.വി. ഗോപിനാഥിനെ പാര്‍ട്ടിയില്‍ നിന്നും സസ്‌പെന്‍ഡ് ചെയ്തു. വിലക്ക് ലംഘിച്ച് നവകേരള സദസില്‍ പങ്കെടുത്തതിനാണ് കെപിസിസിയുടെ അച്ചടക്ക നടപടി.
സിപിഎം ജില്ലാ സെക്രട്ടറിക്കൊപ്പമാണ് നവകേരള സദസിന്റെ പാലക്കാട്ട് നടന്ന പ്രഭാത യോഗത്തിലേക്ക് എ.വി. ഗോപിനാഥ് എത്തിയത്. എന്നാല്‍ താന്‍ ഇപ്പോഴും കോണ്‍ഗ്രസുകാരനാണെന്നും അദ്ദേഹം പറഞ്ഞു.മുഖ്യമന്ത്രിയുടെ വികസന കാര്യങ്ങള്‍ക്ക് പിന്തുണ നല്‍കുന്നുവെന്നും പാര്‍ലമെന്റ് തെരഞ്ഞെടുപ്പ് സമയത്ത് തന്റെ രാഷ്‌ട്രീയ നിലപാട് പറയുമെന്നും ഗോപിനാഥ് വ്യക്തമാക്കിയിരുന്നു.
കോണ്‍ഗ്രസ് നേതാക്കളും ജനപ്രതിനിധികളും നവകേരള സദസുമായി സഹകരിക്കരുതെന്ന് കെപിസിസി ആവശ്യപ്പെട്ടിരുന്നു. പങ്കെടുക്കുന്ന നേതാക്കള്‍ക്കെതിരെ നടപടിയുണ്ടാമെന്നും മുന്നറിയിപ്പ് നല്‍കിയിരുന്നു.
പ്രതികരിക്കാൻ ഇവിടെ എഴുതുക: