ഇംഫാല്‍: മണിപ്പൂര്‍ തെങ്നൗപാലില്‍ വെടിവയ്പ്പില് മരിച്ചവരുടെ മൃതദേഹങ്ങള്‍ കണ്ടെത്തി. ഇവിടെ ലെയ്തു മേഖലയിലുണ്ടായ സംഘര്‍ഷത്തില്‍ 13 മൃതദേഹങ്ങളാണ് ഇതുവരെ കണ്ടെത്തിയിട്ടുളളത്.
സന നടത്തിയ തെരച്ചിലിലാണ് മൃതദേഹങ്ങള്‍ കണ്ടെടുടത്തത്. ഈ മേഖലയ്‌ക്ക് പുറത്തുനിന്നുള്ള കലാപകാരികള്‍ ഇവിടെക്ക് വെടിവെപ്പ് നടത്തിയെന്നാണ് സേനയുടെ വിലയിരുത്തല്‍.
മരിച്ചവരുടെ പേര് വിവരങ്ങള്‍ പുറത്തു വിട്ടിട്ടില്ല. ലെയ്തു മേഖലയില്‍ സുരക്ഷാ ശക്തമാക്കി. ലെയ്തു ഗ്രാമത്തില്‍ ഉച്ചയോടെയാണ് സംഘര്‍ഷം ഉണ്ടായതെന്നാണ് അറിയുന്നത്.
സംഘര്‍ഷത്തെക്കുറിച്ച് സേനയ്‌ക്ക് വിവരം ലഭിച്ചത് ഉച്ചയോടെയാണ് . മണിപ്പൂര്‍ പൊലീസ് അന്വേഷണം തുടങ്ങി. സംസ്ഥാനത്തെ അക്രമ ബാധിത പ്രദേശങ്ങളില്‍ കഴിഞ്ഞ ഏഴ് മാസമായി ഇന്റര്‍നെറ്റ് നിരോധനം ഏര്‍പ്പെടുത്തിയത് ഞായറാഴ്ചയാണ് സര്‍ക്കാര്‍ പിന്‍വലിച്ചത്. പിന്നാലെയാണ് ഈ പുതിയ അക്രമസംഭവം.
പ്രതികരിക്കാൻ ഇവിടെ എഴുതുക: