കണ്ണൂര്‍: സെറിബല്‍ പാള്‍സി ബാധിച്ച് ചികിത്സ വഴിമുട്ടിയ കണ്ണൂര്‍ പീലാത്തറ സ്വദേശി റിസ്വാനയ്‌ക്കും സഹായവുമായി എത്തി നടന്‍ സുരേഷ് ഗോപി. രോഗം മൂര്‍ച്ഛിച്ചതിനു പിന്നാലെ ബുദ്ധിമുട്ടനുഭവിക്കുകയായിരുന്നു 21കാരി. മിംസ് ആശുപത്രിയില്‍ ശസ്ത്രക്രിയ്‌ക്കുള്ള മുഴുവന്‍ തുകയും അദ്ദേഹം അടച്ചതായി റിസ്വാനയെ വിളിച്ചറിയിക്കുകയായിരുന്നു.
ശസ്ത്രക്രിയ്ക്ക് മൂന്ന് ലക്ഷം രൂപയാണ് സുരേഷ് ഗോപി നല്‍കിയത്. തിരുവനന്തപുരത്ത് മകളുടെ കല്യാണത്തിന്റെ റിസപ്ഷനുള്ള ക്ഷണവും റിസ്വാനയ്‌ക്ക് ലഭിച്ചു. മോളെ രക്ഷപ്പെടുത്തനായി ചെയ്ത് തന്ന സഹായത്തിന് റിസ്വാനയുടെ ഉമ്മ സജ്‌ന നന്ദിയും അറിയിച്ചു. ഈ മാസം 11നാണ് ശസ്ത്രക്രിയ.
വീടും സ്ഥലവും വിറ്റും പണം പലിശയ്‌ക്ക് കടം വാങ്ങിയാണ് സജ്‌ന മകളെ ചികിത്സിച്ചിരുന്നത്. മകള്‍ നടന്നു കിട്ടിയിട്ട് കണ്ണടച്ചാലു കുഴപ്പമില്ലെന്നാണ് അമ്മ ആഗ്രഹമായി പറഞ്ഞത്. റിസ്വാനയ്‌ക്ക് ഇതുവരെ 13 ശസ്ത്രക്രിയകള്‍ കഴിഞ്ഞു. തുന്നല്‍ പണി കൊണ്ട് ലക്ഷങ്ങള്‍ എങ്ങനെ ഉണ്ടാക്കാമെന്ന് അറിയാതെ വിഷമിക്കുന്ന വാര്‍ത്ത സമൂഹമാദ്ധ്യമങ്ങളിലൂടെ പ്രചരിച്ചിരുന്നു. ഇതിന് പിന്നാലെയാണ് സുരേഷ് ഗോപി സഹായവുമായി എത്തിയത്.
പ്രതികരിക്കാൻ ഇവിടെ എഴുതുക: