കണ്ണൂരിൽ കുത്തേറ്റ യുവാവിന് ദാരുണാന്ത്യം; സുഹൃത്ത് കസ്റ്റഡിയിൽ

കണ്ണൂർ: ആലക്കോട് യുവാവിന് കുത്തേറ്റ് ദാരുണാന്ത്യം. ജോഷി മാത്യുവാണ് സുഹൃത്തിന്റെ കുത്തേറ്റ് മരിച്ചത്. സംഭവത്തിൽ സുഹൃത്തായ വട്ടക്കയം സ്വദേശി ജയേഷിനെ കസ്റ്റഡിയിലെടുത്തു. ഇന്നലെ രാത്രിയായിരുന്നു സംഭവം.

ആലക്കോട് ടൗണിനോട് ചേർന്നുള്ള പാർക്കിംഗ് പ്ലാസയിൽ ഇരുന്ന് ഇരുവരും സുഹൃത്തുക്കളും അടങ്ങുന്ന നാലംഗ സംഘം മദ്യപിക്കുകയായിരുന്നു. ഇതിനിടെ ഉണ്ടായ തർക്കം കയ്യാങ്കളിയിലേക്ക് കടക്കുകയായിരുന്നു. ഇതിനിടെയാണ് ജോഷിയ്‌ക്ക് കുത്തേറ്റത്.