റീച്ചാര്‍ജ്ജ് ചെയ്യാന്‍ പറ്റാത്ത, ബാറ്ററി മാറ്റിയിട്ടാലും നേരെയാകാത്ത മൊബൈല്‍ ഫോണാണ് കോണ്‍ഗ്രസെന്ന് മോദി; ചിരിച്ച് മറിഞ്ഞ് വ്യവസായികള്‍

ന്യൂദല്‍ഹി: റീച്ചാര്‍ജ്ജ് ചെയ്യാന്‍ പറ്റാത്ത, ബാറ്ററി മാറ്റാനൊക്കാത്ത മൊബൈല്‍ ഫോണാണ് കോണ്‍ഗ്രസെന്ന് പരിഹസിക്കുന്ന മോദിയുടെ വീഡിയോ വൈറലായി സമൂമാധ്യമങ്ങളില്‍ പ്രചരിക്കുന്നു. ഈ പരിഹാസം. വേദിയിലും സദസ്സിലും ചിരിച്ച് മറിയുകയാണ് വ്യവസായികള്‍.

“10-12 വര്‍ഷം മുന്‍പത്തെ മൊബൈല്‍ ഫോണ്‍ ഓര്‍മ്മയുണ്ടോ? കാലഹരണപ്പെട്ട അന്നത്തെ മൊബൈല്‍ ഫോണിന്റെ സ്ക്രീന്‍ ഇടയ്‌ക്കിടെ ഹാങ്ങ് ആവും. അതില്‍ വിരല്‍ വെച്ച് തേച്ചതുകൊണ്ടോ, ബട്ടണില്‍ കുറെ അമര്‍ത്തിയതുകൊണ്ടോ ഒരു പ്രയോജനമില്ല. ഇതായിരുന്നു അന്നത്തെ കോണ്‍ഗ്രസിന്റെ സ്ഥിതിയെന്നും മോദി പരിഹസിച്ചു. ഇന്നിപ്പോള്‍ കോണ്‍ഗ്രസ് എന്ന ആ മൊബൈല്‍ ഫോണ്‍ റീസ്റ്റാര്‍ട്ട് ചെയ്യാന്‍ കഴിയാത്ത വിധം അധപതിച്ചിരിക്കുന്നു.” മോദി അഭിപ്രായപ്പെട്ടു.

No one can troll Congress better than Modiji 😹😭😹 pic.twitter.com/sapWckvCCF

— Sanatani Thakur 🇮🇳 (@SanggitaT) November 2, 2023

“ഇനിയിപ്പോള്‍ ഈ മൊബൈല്‍ ഫോണിന്റെ ബാറ്ററി ചാര്‍ജ്ജ് ചെയ്തിട്ടും പ്രയോജനമില്ല. ബാറ്ററി മാറ്റിയിട്ടിട്ടും പ്രയോജനമില്ല. 2014ല്‍ ഇന്ത്യയിലെ ജനം ആ കാലഹരണപ്പെട്ട കോണ്‍ഗ്രസ് എന്ന ഫോണിനെ വലിച്ചെറിഞ്ഞതാണ്.അന്ന് നമ്മള്‍ മൊബൈല്‍ ഫോണുകളുടെ ഇറക്കുമതിക്കാരായിരുന്നു. ഇന്ന് ഇന്ത്യ മൊബൈല്‍ ഫോണ്‍ കയറ്റുമതി ചെയ്യുകയാണ്”. -മോദി പറഞ്ഞു.