ഭോപാല്‍: കോണ്‍ഗ്രസ് പാര്‍ട്ടി മധ്യപ്രദേശിലെ ജനങ്ങളെയും യുവാക്കളെയും സ്ത്രീകളെയും കര്‍ഷകരെയും മാത്രമല്ല വഞ്ചിച്ചതെന്നും എല്ലാ തെരഞ്ഞെടുപ്പുകളിലും കോണ്‍ഗ്രസിന് ഒരേ തന്ത്രമാണെന്നും കേന്ദ്രമന്ത്രി രാജീവ് ചന്ദ്രശേഖര്‍.
ആദ്യം തെറ്റായ വാഗ്ദാനങ്ങളും ഉറപ്പുകളും നല്കുക, നിരപരാധികളായ പൊതുജനങ്ങള്‍ ഈ നുണകളുടെ വലയില്‍ കുടുങ്ങുമ്പോള്‍ വോട്ട് നേടി സര്‍ക്കാര്‍ രൂപീകരിക്കുക, പിന്നീട് വാഗ്ദാനങ്ങള്‍ മറക്കുക. കര്‍ണാടകയും രാജസ്ഥാനും ഛത്തീസ്ഗഡും സര്‍ക്കാര്‍ രൂപീകരിച്ചതിന് ശേഷം കോണ്‍ഗ്രസ് നേതാക്കള്‍ നടത്തുന്ന കൊള്ളയുടെ ഉദാഹരണങ്ങളാണ്.
കോണ്‍ഗ്രസിന്റെ ഈ തന്ത്രം ഇപ്പോള്‍ ഇന്‍ഡി സഖ്യകക്ഷികള്‍ പോലും തിരിച്ചറിഞ്ഞിട്ടുണ്ടെന്നും അതിനാലാണ് എസ്പി നേതാവ് അഖിലേഷ് യാദവ് കോണ്‍ഗ്രസിനെ വഞ്ചകരെന്ന് വിളിച്ചതെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: