കൊച്ചി : ഈറ്റ് കൊച്ചി ഈറ്റ് എന്ന കമ്മ്യൂണിറ്റി ഭക്ഷണ കൂട്ടായ്മയിലെ വ്‌ളോഗര്‍ രാഹുല്‍ എന്‍. കുട്ടിയെ മരിച്ച നിലയില്‍ കണ്ടെത്തി. വെള്ളിയാഴ്ച രാത്രി തൃപ്പൂണിത്തുറയിലെ വീട്ടിലാണ് മരിച്ച നിലയില്‍ കണ്ടെത്തിയത്. കഴിഞ്ഞ ദിവസവും ഇടപ്പള്ളി ഗണപതി ക്ഷേത്രത്തിലെ ഉണ്ണിയപ്പത്തെക്കുറിച്ചുള്ള വിഡിയോ രാഹുല്‍ ചെയ്തിരുന്നു.
കൊച്ചിയിലെ വ്യത്യസ്തങ്ങളായ ഭക്ഷണങ്ങളും ഹോട്ടലുകളും പരിചയപ്പെടുത്തുന്നതും ചര്‍ച്ച ചെയ്യുന്നതുമായ ഓണ്‍ലൈന്‍ സംഘമാണ് ഈറ്റ് കൊച്ചി ഈറ്റ്. ഈറ്റ് കൊച്ചി ഈറ്റിന് സമൂഹ മാധ്യമങ്ങളില്‍ നാല്‍പ്പത് ലക്ഷം ഫോളേവേഴ്‌സാണുള്ളത്. കമ്യൂണിറ്റിയില്‍ ഏറെ ശ്രദ്ധിക്കപ്പെട്ട മുഖം കൂടിയാണ് രാഹുലിന്റേത്. സംഭവത്തെക്കുറിച്ച് പോലീസ് അന്വേഷണം ആരംഭിച്ചു.
2015ലാണ് ഈറ്റ് കൊച്ചി ഈറ്റെന്ന കമ്മ്യൂണിറ്റി തുടങ്ങിയത്. ഫെയ്‌സ്ബുക്ക് ഫണ്ട് നല്‍കുന്ന ഇന്ത്യയിലെ ആദ്യത്തെ ഫുഡ് കമ്മ്യൂണിറ്റിയെന്ന ബഹുമതി കൂടി ഈറ്റ് കൊച്ചി ഈറ്റിനുണ്ട്. കമ്മ്യൂണിറ്റിയുടെ കൂടുതല്‍ പ്രവര്‍ത്തനങ്ങള്‍ക്കായി 50,000 ഡോളറാണ് ഫെയ്‌സ്ബുക്ക് അനുവദിച്ചിരുന്നത്.
പ്രതികരിക്കാൻ ഇവിടെ എഴുതുക: