കൊല്‍ക്കത്ത: ലോകകപ്പില്‍ ബംഗ്ലാദേശിനെതിരെ പാകിസ്ഥാന് ഏഴ് വിക്കറ്റ് ജയം. ബംഗ്ലാദേശിന്റെ തുടര്‍ച്ചയായ ആറാം തോല്‍വിയാണിത്.
പാകിസ്ഥാന് 32.3 ഓവറില്‍ മൂന്ന് വിക്കറ്റ് നഷ്ടത്തില്‍ ലക്ഷ്യം കണ്ടു. ഇതോടെ ബംഗ്ലാദേശ് സെമി ഫൈനല്‍ സാധ്യതയില്ലാതെ ലോകകപ്പില്‍ നിന്ന് പുറത്തായി.
ഒന്നാം വിക്കറ്റില്‍ അബ്ദുള്ള ഷഫീക്ക് ഫകര്‍ സമന്‍ കൂട്ടുകെട്ട് 128 റണ്‍സ് നേടി. ഷഫീക്ക് 68 റണ്‍സെടുത്ത് പുറത്തായി.
രണ്ടാം വിക്കറ്റില്‍ ബാബര്‍ അസമിനെ കൂട്ടുപിടിച്ച് ഫകര്‍ സമന്‍ 32 റണ്‍സ് കൂടി നേടിയെങ്കിലും ബാബര്‍(9) വേഗം തന്നെ പുറത്തായി. വൈകാതെ 81 റണ്‍സെടുത്ത ഫകര്‍ സമനെയും പാകിസ്ഥാന് നഷ്ടമായി.മെഹ്ദി ഹസന്‍ മിറാസിനാണ് 3 വിക്കറ്റും ലഭിച്ചത്.
പിന്നീട് റിസ്വാനും ഇഫ്തിക്കര്‍ അഹമ്മദും പാക് വിജയം വേഗത്തിലാക്കി. ഇരുവരും ചേര്‍ന്ന് നാലാം വിക്കറ്റില്‍ 36 റണ്‍സാണ് നേടിയത്. മൊഹമ്മദ് റിസ്വാന്‍ 21 പന്തില്‍ 26 റണ്‍സും ഇഫ്തിക്കര്‍ അഹമ്മദ് 15 പന്തില്‍ 17 റണ്‍സുമെടുത്തു.
നേരത്തേ ആദ്യം ബാറ്റ് ചെയ്ത ബംഗ്ലാദേശ് 45.1 ഓവറില്‍ 204 റണ്‍സിന് എല്ലാവരും പുറത്തായി.
പ്രതികരിക്കാൻ ഇവിടെ എഴുതുക: