കാറ്റലോണിയ: സീസണിലെ ആദ്യ എല്‍ ക്ലാസിക്കോ പോരാട്ടത്തിനിടെ റയല്‍ മാഡ്രിഡിന്റെ ബ്രസീല്‍ സ്‌ട്രൈക്കര്‍ വിനീഷ്യസ് ജൂനിയര്‍ക്കെതിരെ വര്‍ണവെറി ഉണ്ടായതായതിനെ കുറിച്ച് അന്വേഷിക്കുമെന്ന് എഫ്‌സി ബാഴ്‌സിലോണ അധികൃതര്‍ വ്യക്തമാക്കി. ശനിയാഴ്ച നടന്ന പോരാട്ടത്തില്‍ റയല്‍ 2-1ന് വിജയിച്ചിരുന്നു.
സ്പാനിഷ് മാധ്യമങ്ങളിലാണ് വിനീഷ്യസ് അപമാനിക്കപ്പെടുന്ന വിഷ്വലുകള്‍ പ്രചരിച്ചത്. പഴത്തൊലി എറിയുന്നതടക്കം വീഡിയോയില്‍ പ്രകടമാണ്. ഇതിന്റെ അടിസ്ഥാനത്തിലാണ് അന്വേഷിക്കുമെന്ന് ക്ലബ്ബ് അധികൃതര്‍ വ്യക്തമാക്കിയിരിക്കുന്നത്.
കളിക്കിടെ താരം ബാഴ്‌സ പ്രതിരോധ താരം റൊണാള്‍ഡ് അരോജോയില്‍ നിന്നും മോശം വാക്കുകള്‍ കേള്‍ക്കാനിടയായി. കളിക്കിടെ ഇക്കാര്യം ബാഴ്‌സ മാനേദര്‍ സാവിയെ അറിയിക്കുകയും ചെയ്തിരുന്നു. കളി തീര്‍ന്നപ്പോഴേക്കും കൂടുതല്‍ അനിഷ്ട സംഭവങ്ങള്‍ ഇല്ലാതിരിക്കാന്‍ റയല്‍ പരിശീലകന്‍ കാര്‍ലോ ആന്‍സലോട്ടി താരത്തെ മൈതാനത്ത് നിന്ന് പിടിച്ചു കൊണ്ടുപോകുകുന്നതും പ്രകടമാണെന്ന് മാധ്യങ്ങള്‍ റിപ്പോര്‍ട്ട് ചെയ്തു.
പ്രതികരിക്കാൻ ഇവിടെ എഴുതുക: