കൂത്തുപറമ്പ്: ‘എന്റെ മണ്ണ് എന്റെ രാജ്യം’ ക്യാമ്പയിനിന്റെ ഭാഗമായി കണ്ണൂര്‍ നെഹ്‌റു യുവകേന്ദ്ര സംഘടിപ്പിക്കുന്ന അമൃത് കലശ യാത്രയുടെ കൂത്തുപറമ്പ് ‘ബ്ലോക്ക് തല പരിപാടി നിര്‍മ്മലഗിരി കോളേജ് എന്‍.എസ്.എസ് യൂണിറ്റിന്റെ സഹകരണത്തോടു കൂടി കോളേജ് ക്യാമ്പസില്‍ സംഘടിപ്പിച്ചു. കൂത്തുപറമ്പ് എം.എല്‍.എ കെ.പി മോഹനന്‍ ഉദ്ഘാടനം കര്‍മ്മം നിര്‍വ്വഹിച്ചു.
നിര്‍മ്മലഗിരി കോളേജ് പ്രിന്‍സിപ്പാള്‍ ഡോ.ടി.കെ സെബാസ്റ്റ്യന്‍ അദ്ധ്യക്ഷത വഹിച്ച ചടങ്ങില്‍ കൂത്തുപറമ്പ് മുനിസിപ്പാലിറ്റി ചെയര്‍പേഴ്‌സണ്‍ വി.സുജാത ടീച്ചര്‍ മുഖ്യാതിഥിയായി.
റവ:ഫാദര്‍ ഷാജി തെക്കേമുറിയില്‍, എന്‍.എ.എസ്.എ അക്കാദമി പ്രിന്‍സിപ്പാള്‍ ഡോ. ഔസേപ്പച്ചന്‍ കെ.വി, എന്‍.എസ്.എസ് പ്രോഗ്രാം ഓഫീസര്‍ന്മാരായ ഡോ. ജെയ്‌സണ്‍ ജോസഫ്, വീനിത എ.എം,ദീപ്തി,നെഹ്‌റു യുവകേന്ദ്ര ബ്ലോക്ക് കോര്‍ഡിനേറ്റര്‍ അമല്‍ മോഹന്‍ എന്നിവര്‍ സംസാരിച്ചു.സൈനിക സേവനത്തിനിടെ മരണമടഞ്ഞ ധീര ജവാന്‍ മെരുവമ്പായിലെ അജയകുമാറിന്റെ ഭാര്യ ടി. സുനിതയെ പരിപാടിയില്‍ ആദരിച്ചു.
യുവജനക്ഷേമ ബോര്‍ഡ് കോര്‍ഡിനേറ്റര്‍ സജേഷ്, യൂത്ത് ക്ലബ്ബ് പ്രതിനിധികളായി കലാ കായിക സാംസ്‌കാരിക നിലയം കണ്ടംകുന്ന് & ഗ്രന്ഥാലയം,ഫീനിക്‌സ് കോട്ടയം ക്ലബ്ബ് പ്രവര്‍ത്തകര്‍ ചടങ്ങില്‍ പങ്കാളികളായി. പരിപാടിയുടെ ഭാഗമായി മാടായി മലബാര്‍ കളരി സംഘത്തിന്റെ കളരിപ്പയറ്റും ചടട യൂണിറ്റിന്റെ നേതൃത്വത്തില്‍ വിവിധ കലാപരിപാടികളും അരങ്ങേറി.
പ്രതികരിക്കാൻ ഇവിടെ എഴുതുക: