കോട്ടയം: പെറ്റിക്കേസില്‍ ഫൈനടച്ച് കേസ് അവസാനിപ്പിച്ചയാളെ വീണ്ടും അറസ്റ്റ് ചെയ്ത് ഏറ്റുമാനൂര്‍ പോലീസ്. ഏറ്റുമാനൂര്‍ സ്വദേശി ഷാജിയാണ് റിമാന്‍ഡിലായത്. ഫൈനടച്ച് കേസ് തീര്‍ത്തെന്ന് ഷാജി പോലീസുകാരെ അറിയിച്ചിട്ടും അംഗീകരിച്ചില്ല. സ്റ്റേഷനില്‍ നിന്ന് വിളിച്ചുവരുത്തിയാണ് അറസ്റ്റ് രേഖപ്പെടുത്തിയത്. ശനിയാഴ്ച അറസ്റ്റിലായ ഷാജിയെ പ്രതിഷേധത്തെ തുടര്‍ന്ന് തിങ്കളാഴ്ച വൈകിട്ട് വിട്ടയച്ചു. 2019ലാണ് ബൈക്ക് യാത്രയുമായി ബന്ധപ്പെട്ട് ഷാജിക്കെതിരെ പോലീസ് പെറ്റിക്കേസെടുത്തത്.
2023 ആഗസ്റ്റ് 26നാണ് കോടതിയില്‍ പെറ്റിക്കേസിന്റെ ഫൈന്‍ അടച്ചത്. പട്ടികജാതി സംഘടനാ നേതാവായ ഷാജി ജനമൈത്രി പോലീസിന്റെ കമ്മറ്റിയംഗവുമാണ്. ഇതുമായി ബന്ധപ്പെട്ട എല്ലാ കമ്മറ്റികളിലും പങ്കെടുത്തിരുന്നപ്പോഴാണ് പ്രതി ഒളിവിലാണെന്ന് പറഞ്ഞാണ് സമന്‍സും വാറണ്ടും പോലീസ് മടക്കിയിരുന്നത്. വിഷയത്തില്‍ മുഖ്യമന്ത്രി, മനുഷ്യാവകാശ കമ്മീഷന്‍, പട്ടികജാതി കമ്മീഷന്‍ എന്നിവര്‍ക്ക് പരാതി നല്കുമെന്ന് ഷാജിയുടെ ബന്ധുക്കള്‍ പറഞ്ഞു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: