ചെര്‍പ്പുളശ്ശേരി: സഹകരണ ആശുപത്രിയില്‍ മരുന്നുവാങ്ങിയതില്‍ അഴിമതിയെന്ന് പരാതി. സിപിഎം നേതൃത്വം നല്‍കുന്ന ഭരണസമിതിയാണ് ആശുപത്രിയിലുള്ളത്. മരുന്നുവാങ്ങുന്നതില്‍ ക്രമക്കേടുണ്ടെന്ന് വ്യാപക പരാതി ഉയര്‍ന്നിരുന്നു. ഇത് സംബന്ധിച്ച് പ്രസ്തുതാന്വേഷണത്തിനായി സിപിഎം പാര്‍ട്ടിതല അന്വേഷണം നടത്തുകയും ക്രമക്കേടുകള്‍ കണ്ടെത്തുകയും ചെയ്തു.
അന്വേഷണ റിപ്പോര്‍ട്ട് ഏരിയ കമ്മിറ്റി ചര്‍ച്ച ചെയ്ത് ജില്ലാ-സംസ്ഥാന കമ്മിറ്റികള്‍ക്ക് അയച്ചെങ്കിലും പിന്നീട് തുടര്‍നടപടികള്‍ ഉണ്ടായില്ല. പ്രശ്‌നം സംബന്ധിച്ച് സംസ്ഥാന കമ്മിറ്റി ചര്‍ച്ച ചെയ്തില്ലെന്നാണ് അറിയുന്നത്. അതേസമയം, മുന്‍ വൈസ് ചെയര്‍മാനെതിരെ അഴിമതി കണ്ടെത്താന്‍ കഴിഞ്ഞിട്ടില്ലെന്നും ആസൂത്രിത നീക്കമാണ് ഇതിന് പിന്നിലെന്നും പറയുന്നു. ആശുപത്രിയുടെ പുതിയ കെട്ടിടത്തിനായുള്ള കരാര്‍ നല്‍കിയതിലും ക്രമക്കേടുള്ളതായി ചൂണ്ടിക്കാട്ടുന്നു. മൂന്നുകോടി രൂപ ചെലവിലാണ് കെട്ടിടം നിര്‍മിക്കുന്നത്.
പ്രതികരിക്കാൻ ഇവിടെ എഴുതുക: