തിരുവനന്തപുരം: ഹയര്‍ സെക്കന്‍ഡറി (വൊക്കേഷണല്‍) വിഭാഗം 2024 മാര്‍ച്ചില്‍ നടത്തുന്ന ഒന്നും രണ്ടും വര്‍ഷ പൊതുപരീക്ഷാ നടത്തിപ്പിനുള്ള വിജ്ഞാപനം പ്രസിദ്ധീകരിച്ചു. വിജ്ഞാപനം vhsemskerala.gov.in ല്‍ ലഭ്യമാണ്. തിയറി പരീക്ഷകള്‍ 2024 മാര്‍ച്ച് ഒന്നിന് ആരംഭിച്ച് 26ന് അവസാനിക്കും.
രണ്ടാം വര്‍ഷ വൊക്കേഷണല്‍ പ്രായോഗിക പരീക്ഷകള്‍ 2024 ജനുവരി 16 മുതലും രണ്ടാം വര്‍ഷ നോണ്‍ വൊക്കേഷണല്‍ പ്രായോഗിക പരീക്ഷകള്‍ ജനുവരി 22 മുതലും ആരംഭിക്കും. ഒന്നാം വര്‍ഷ വൊക്കേഷണല്‍ പ്രായോഗിക പരീക്ഷകള്‍ ജനുവരി 27ന് ആരംഭിക്കും.
ഒന്നും രണ്ടും വര്‍ഷ പരീക്ഷകള്‍ക്ക് പിഴ കൂടാതെ ഒക്ടോബര്‍ 26 വരെയും 20 രൂപ പിഴയോടുകൂടി നവംബര്‍ രണ്ടു വരെയും 20 രൂപയോടൊപ്പം ദിനംപ്രതി 5 രൂപ ഫൈനോടുകൂടി നവംബര്‍ ഒമ്പതു വരെയും 600 രൂപ സൂപ്പര്‍ ഫൈനോടുകൂടി നവംബര്‍ 16 വരെയും ഫീസടച്ച് രജിസ്റ്റര്‍ ചെയ്യാം. ഫീസുകള്‍ ‘020201102 93 VHSEFees’ എന്ന ശീര്‍ഷകത്തില്‍ അടയ്‌ക്കാം. അപേക്ഷാഫോമും പരീക്ഷാ സംബന്ധിച്ച് മറ്റു വിവരങ്ങളും പരീക്ഷാ കേന്ദ്രങ്ങളില്‍ നിന്ന് ലഭിക്കും.
പ്രതികരിക്കാൻ ഇവിടെ എഴുതുക: