തിരുവനന്തപുരം: നഗരസഭയിലെ തട്ടിപ്പുകള്‍ ജനം അറിഞ്ഞത് ജന്മഭൂമി പത്രത്തിലൂടെയാണ്. നഗരസഭയിലെ തട്ടിപ്പുകള്‍ക്കെതിരെ നിരന്തരം വാര്‍ത്തകള്‍ നല്‍കിയതും ജന്മഭൂമിയാണ്. ബിജെപി കൗണ്‍സിലര്‍മാരുടെ വാര്‍ഡുകളോട് നഗരസഭാ നേതൃത്വവും സംസ്ഥാന സര്‍ക്കാരും കാണിക്കുന്ന ചിറ്റമ്മനയത്തിനെതിരെ പ്രതികരിക്കാന്‍ ജന്മഭൂമി എന്നും മുന്നില്‍ തന്നെയുണ്ട്.
കൗണ്‍സില്‍ യോഗത്തില്‍ നടക്കുന്ന ചര്‍ച്ചകളും ബിജെപി കൗണ്‍സിലര്‍മാരുടെ ഇടപെടലുകളും ജനങ്ങള്‍ക്കിടയിലേക്ക് എത്തിക്കുന്നതില്‍ ജന്മഭൂമി പ്രധാന പങ്ക് വഹിക്കുന്നുണ്ട്. നേര് നേരത്തേ അറിയിക്കുമെന്ന് അവകാശപ്പെടുന്ന പത്രങ്ങള്‍ പറയുന്നത് നേരാണോ എന്നറിയാന്‍ ജന്മഭൂമി തന്നെ വായിക്കണം. തിരുവനന്തപുരം നഗരസഭാ പരിധിയിലെ മുഴുവന്‍ വീടുകളിലും ജന്മഭൂമി എത്തിക്കാന്‍ വേണ്ട പ്രവര്‍ത്തനങ്ങളിലാണ് ഇപ്പോള്‍ ഏര്‍പ്പെട്ടുകൊണ്ടിരിക്കുന്നത്. ജനങ്ങള്‍ വളരെ ആവേശപൂര്‍വ്വമാണ് ജന്മഭൂമിയെ സ്വീകരിക്കുന്നത്.
വിദ്യാര്‍ത്ഥികള്‍ക്കും സ്ത്രീകള്‍ക്കും മുതിര്‍ന്നവര്‍ക്കും എല്ലാ വിഭാഗം ജനങ്ങള്‍ക്കും വായിക്കാനും അറിയാനും ഉള്ള വ്യത്യസ്ത വിഭവങ്ങളുമായി എത്തുന്ന ജന്മഭൂമിയെ മലയാളക്കര ഇരുകൈയ്യും നീട്ടി സ്വീകരിച്ചിരിക്കുകയാണ്.
എം.ആര്‍.ഗോപന്‍ (ബിജെപി കൗണ്‍സില്‍ പാര്‍ട്ടി ലീഡര്‍, തിരുവനന്തപുരം നഗരസഭ)
പ്രതികരിക്കാൻ ഇവിടെ എഴുതുക: