പത്തനംതിട്ട: മണ്ഡലക്കാലാരംഭമായ വൃശ്ചികം ഒന്നു മുതല്‍ ശബരിമല, മാളികപ്പുറം മേല്‍ശാന്തി നിയമനത്തിന് തുലാം ഒന്നിന് നടക്കുന്ന നറുക്കെടുപ്പിന് തിരഞ്ഞെടുക്കപ്പെട്ടവരുടെ പട്ടിക പ്രസിദ്ധീകരിച്ചു.
ശബരിമലയിലേക്ക് 17 പേരും മാളികപ്പുറം ക്ഷേത്രത്തിലേക്ക് 12 പേരും പട്ടികയില്‍ ഉള്‍പ്പെട്ടിട്ടുണ്ട്. പരിശോധനകള്‍ക്ക് ശേഷം ശബരിമലയിലേക്ക് ആകെ ലഭിച്ച 59 അപേക്ഷകളില്‍ നിന്ന് 51 പേര്‍ ഇന്റര്‍വ്യൂവിന് യോഗ്യത നേടിയിരുന്നു. മാളികപ്പുറത്തേക്ക് ലഭിച്ച 40 അപേക്ഷകരില്‍ 36 പേരും ഇന്റര്‍വ്യൂവിന് യോഗ്യത നേടി.
ഹൈക്കോടതിയുടെയും ദേവസ്വം ബോര്‍ഡിന്റെയും അംഗീകാരത്തിന് ശേഷമാണ് നറുക്കെടുപ്പിനായുള്ള മേല്‍ശാന്തിമാരുടെ പട്ടിക പ്രസിദ്ധീകരിച്ചത്. ദേവസ്വം ബോര്‍ഡ് വെബ്‌സൈറ്റില്‍ പട്ടിക ലഭ്യമാണ്. തുലാം ഒന്നായ ഒക്ടോബര്‍ 18ന് രാവിലെ ശബരിമല ധര്‍മ്മശാസ്താക്ഷേത്ര സന്നിധിയിലും മാളികപ്പുറം ക്ഷേത്രസന്നിധിയിലുമായാണ് നറുക്കെടുപ്പ്.
പ്രതികരിക്കാൻ ഇവിടെ എഴുതുക: