ന്യൂദല്‍ഹി: രാജ്യത്തുടനീളമുള്ള സ്ത്രീകളെ ശാക്തീകരിക്കുന്ന ചരിത്രപരമായ തീരുമാനമാണ് വനിതാ സംവരണ ബില്ലെന്ന് പ്രധാനമന്ത്രി നരേന്ദ്ര മോദി പറഞ്ഞു. സ്ത്രീകള്‍ ബഹിരാകാശം മുതല്‍ സ്‌പോര്‍ട്‌സ് വരെ മികവ് പുലര്‍ത്തുന്നു. നമ്മുടെ പെണ്‍മക്കള്‍ ഈ രാജ്യത്ത് മാറ്റത്തിനായി പ്രവര്‍ത്തിക്കുകയാണെന്ന് അദ്ദേഹം കൂട്ടിച്ചേര്‍ത്തു.
ഏറ്റവും പുതിയ റോസ്ഗര്‍ മേളയിലെ നിയമനങ്ങളില്‍ ഗണ്യമായ എണ്ണം സ്ത്രീകളാണെന്ന വസ്തുത അദേഹം എടുത്തു കാണിച്ചു. നമ്മുടെ രാജ്യം ചരിത്രപരമായ തീരുമാനങ്ങളാണ് കൈക്കൊള്ളുന്നത്.
ഏതാനും ദിവസങ്ങള്‍ക്കുമുമ്പ് വനിതാ സംവരണ ബില്‍ ഇരുസഭകളിലൂടെയും അമ്പരപ്പിക്കുന്ന വോട്ടുകള്‍ക്ക് പാസാക്കിയിരുന്നു. ദശാബ്ദങ്ങള്‍ക്കുമുമ്പ് ഉന്നയിച്ചിരുന്ന ഈ ആവശ്യം ഇന്ന് നടപ്പായിയെന്നും പ്രധാനമന്ത്രി പറഞ്ഞു.
വരുന്ന കുറച്ച് വര്‍ഷങ്ങളില്‍ ഇന്ത്യ മൂന്നാമത്തെ വലിയ സമ്പദ്‌വ്യവസ്ഥയായി മാറും. നാം ചന്ദ്രനില്‍ പതാക ഉയര്‍ത്തി. സര്‍ക്കാരിലെ കാര്യക്ഷമത മെച്ചപ്പെടുത്താന്‍ സാങ്കേതികവിദ്യ ഉപയോഗിക്കുക.
നേരത്തെ, റെയില്‍വേ ടിക്കറ്റുകള്‍ വാങ്ങാന്‍ ആളുകള്‍ ക്യൂവില്‍ നിന്നിരുന്നു, ഇന്ന് ഓണ്‍ലൈനായി ബുക്കിംഗ് നടത്താം. ആധാര്‍ കാര്‍ഡുകള്‍, ഇ-കെ.വൈ.സി, ഡിജി ലോക്കര്‍ എന്നിവ ഈ രാജ്യത്ത് ഡോക്യുമെന്റേഷനെ കാണുന്ന രീതിയെ മാറ്റിമറിച്ചു.
അഴിമതിയും സങ്കീര്‍ണ്ണതയും കുറയ്‌ക്കാനും വിശ്വാസ്യതയും സൗകര്യവും വര്‍ദ്ധിപ്പിക്കാനും സാങ്കേതികവിദ്യ സഹായിച്ചു. കഴിഞ്ഞ ഒമ്പത് വര്‍ഷമായി, ഞങ്ങളുടെ നയങ്ങള്‍ മിഷന്‍ മോഡില്‍ നടപ്പിലാക്കുകയും ബഹുജന പങ്കാളിത്തം ഉള്‍പ്പെടുത്തുകയും ചെയ്തുവെന്നും പ്രധാനമന്ത്രി പറഞ്ഞു.
പ്രതികരിക്കാൻ ഇവിടെ എഴുതുക: