കൊല്ലത്ത് പത്ത് ലക്ഷം രൂപയുടെ നിരോധിത പുകയില ഉത്പന്നങ്ങളുമായി പ്രതി പിടിയിൽ

കൊല്ലം: കൊല്ലത്ത് പത്ത് ലക്ഷത്തിലധികം രൂപയുടെ നിരോധിത പുകയില ഉത്പന്നങ്ങളുമായി പ്രതി പിടിയിൽ. എക്‌സൈസ് സംഘം നടത്തിയ പരിശോധനയിലാണ് ലഹരി വസ്തുക്കൾ പിടികൂടിയത്. സംഭവത്തിൽ പുന്തളത്താഴം സ്വദേശി ഷാജഹാനെയാണ് അറസ്റ്റ് ചെയ്തത്.

പുന്തലത്താഴത്ത് വാടകയക്ക് താമസിക്കുന്ന ഷാജഹാൻ വീട്ടിൽ സൂക്ഷിച്ചിരുന്ന നിരോധിത പുകയില ഉത്പന്നങ്ങളാണ് പിടികൂടിയത്. പ്രതിയുടെ കിടപ്പുമുറിയിൽ നിന്നും 40 ചാക്കുകളിലായി 850 കിലോ പുകയില ഉത്പന്നങ്ങളാണ് കണ്ടെത്തിയത്. ഏകദേശം 10 ലക്ഷത്തിൽ അധികം രൂപയുടെ ഉത്പന്നങ്ങളാണ് പിടിച്ചെടുത്തത്.

തമിഴ്‌നാട്ടിൽ നിന്നും പച്ചക്കറി ലോറിയിലാണ് ജില്ലയിലേക്ക് പുകയില ഉത്പന്നങ്ങൾ കടത്തിയിരുന്നത്. കുണ്ടറയിൽ എത്തുന്ന ലോറിയിൽ നിന്നും പുകയില ഉത്പന്നങ്ങൾ ഉൾപ്പെട്ട ചാക്കുകൾ ഇരുചക്ര വാഹനങ്ങലിലാണ് വാടക വീട്ടിൽ എത്തിച്ചിരുന്നത്.