തിരുപ്പത്തൂര്‍: ഇന്ന് പുലര്‍ച്ചെ തിരുപ്പത്തൂര്‍ ജില്ലയിലെ നാട്രംപള്ളിക്ക് സമീപം റോഡരികില്‍ പാര്‍ക്ക് ചെയ്തിരുന്ന ടൂറിസ്റ്റ് വാനുമായി മിനിലോറി ഇടിച്ച് ഏഴ് സ്ത്രീകള്‍ സംഭവസ്ഥലത്ത് വെച്ച് തന്നെ മരിക്കുകയും 10 പേര്‍ക്ക് ഗുരുതരമായി പരിക്കേല്‍ക്കുകയും ചെയ്തു. ഗുരുതരമായി പരിക്കേറ്റവരെ സമീപത്തെ ആശുപത്രിയില്‍ പ്രവേശിപ്പിച്ചിരിക്കുകയാണ്.
മരിച്ചവരെല്ലാം ഒരേ ഗ്രാമത്തില്‍ നിന്നുള്ളവരാണെന്നും രണ്ട് ദിവസത്തെ മൈസൂര്‍ പര്യടനത്തിന് ശേഷം സ്വന്തം നാട്ടിലേക്ക് മടങ്ങുകയായിരുന്നുവെന്നും പോലീസ് പറഞ്ഞു. ഗ്രാമത്തിലെ എല്ലാ ആളുകളും രണ്ട് വാനുകളില്‍ കയറിയിരുന്നു. നാട്രംപള്ളിക്ക് സമീപം വാനുകളില്‍ ഒന്ന് തകരാറിലായതിനെ തുടര്‍ന്ന് നന്നാക്കുകയായിരുന്നു.
ഇതിനിടെ ചില യാത്രക്കാര്‍ ഇറങ്ങി റോഡിന്റെ മീഡിയനില്‍ വിശ്രമിക്കുകയായിരുന്നു. നിയന്ത്രണം തെറ്റിയ മിനിലോറി ഇവരുടെ മേളിലേക്ക് മറിയുകയായിരുന്നു. ഏഴ് സ്ത്രീകള്‍ സംഭവസ്ഥലത്ത് തന്നെ മരിക്കുകയും 10 പേര്‍ക്ക് ഗുരുതരമായി പരിക്കേല്‍ക്കുകയും ചെയ്തു.
തിരുപ്പത്തൂര്‍ പോലീസ് ഉദ്യോഗസ്ഥര്‍ പറയുന്നതനുസരിച്ച്, ഇന്ന് പുലര്‍ച്ചെ മൂടല്‍ മഞ്ഞുകാരണം ദൂരക്കാഴ്ച കുറവായിരുന്നു. അതിനു പുറമെ വാന്‍ കൊടും വളവിലാണ് നിര്‍ത്തിയിട്ടിരുന്നത്. അതാവാം മിനിലോറി വാനുമായി കൂട്ടിയിടിക്കാന്‍ കാരണം.
പ്രതികരിക്കാൻ ഇവിടെ എഴുതുക: