മലപ്പുറം: പെരിന്തല്‍മണ്ണയില്‍ പെട്രോളുമായി വന്ന ടാങ്കര്‍ ലോറി നിയന്ത്രണം വിട്ട് വെള്ളക്കെട്ടിലേക്ക് മറിഞ്ഞു. ഡ്രൈവര്‍ കൃഷണന്‍കുട്ടിക്കും ഒപ്പം ഉണ്ടായിരുന്ന ജിനു എന്നിവര്‍ക്കും പരിക്കേറ്റു.കൊച്ചിയില്‍ നിന്നും വന്ന ടാങ്കറാണ് അപകടത്തില്‍പ്പെട്ടത്.
പെരിന്തല്‍മണ്ണ പാണ്ടിക്കാട് റോഡില്‍ സി എച്ച് ജംഗ്ഷനിലാണ് അപകടം.നേരിയ തോതില്‍ പെട്രോള്‍ ചോര്‍ന്നു.ക്രെയിന്‍ ഉപയോഗിച്ച് ടാങ്കര്‍ ലോറി ഉയര്‍ത്തുകയായിരുന്നു.
അപകടമറിഞ്ഞ് അഗ്നിരക്ഷാ സേനയും പൊലീസും സ്ഥലത്ത് എത്തി.പെരിന്തല്‍മണ്ണ – ഊട്ടി റോഡില്‍ മുണ്ടത്തപ്പാലം പൊളിച്ചു പണിയുന്നതിനാല്‍ പാലത്തില്‍ മണ്ണ് കൂട്ടിയിട്ട ഭാഗത്ത് എതിരെ വന്ന വാഹനത്തിന്റെ വെളിച്ചം കാരണം റോഡ് കാണാനായില്ല. പിന്നാലെ ടാങ്കര്‍ ലോറി നിയന്ത്രണം വിടുകയായിരുന്നുവെന്ന് ഡ്രൈവര്‍ പറഞ്ഞു.
പ്രതികരിക്കാൻ ഇവിടെ എഴുതുക: