പാലക്കാട്: പ്രതിയുടെ വിലപിടിപ്പുള്ള പേന പോലീസ് ഉദ്യോഗസ്ഥന്‍ കൈക്കലാക്കിയ സംഭവത്തില്‍ നടപടിക്ക് ശിപാര്‍ശ. തൃത്താല എസ്എച്ച്ഒ വിജയകുമാറിനെതിരേ നടപടി ആവശ്യപ്പെട്ട് ജില്ലാ പോലീസ് മേധാവിയാണ് നോര്‍ത്ത് സോണ്‍ ഐജിക്ക് ശിപാര്‍ശ നല്‍കിയത്.
ജൂണില്‍ കാപ്പ വകുപ്പ് പ്രകാരം അറസ്റ്റ് ചെയ്ത പ്രതിയുടെ 60000 രൂപ വിലയുള്ള മൗണ്ട് ബ്ലാങ്ക് പേന തട്ടിയെടുത്തെന്നാണ് പരാതി. കസ്റ്റഡിയില്‍ എടുത്തപ്പോള്‍ അന്വേഷണത്തിന്റെ ഭാഗമായി വാങ്ങിയ പേന തിരിച്ചുനല്‍കിയില്ല. ഇത് സംബന്ധിച്ച് പ്രതി ഫൈസല്‍ മുഖ്യമന്ത്രിയുടെ പരാതി പരിഹാരസെല്ലില്‍ പരാതിപ്പെടുകയായിരുന്നു.
ജില്ലാ ക്രൈം റെക്കോര്‍ഡ്‌സ് ബ്യൂറോ നടത്തിയ അന്വേഷണത്തില്‍ ഇയാളുടെ പരാതിയില്‍ കഴമ്പുണ്ടെന്ന് കണ്ടെത്തിയിരുന്നു. ഗുരുതര കൃത്യവിലോപം എസ് എച്ച് ഒ യുടെ ഭാഗത്തുനിന്നും ഉണ്ടായതായാണ് ജില്ലാ പോലീസ് മേധാവിയുടെ റിപ്പോർട്ട്.
പ്രതികരിക്കാൻ ഇവിടെ എഴുതുക: