നെടുമ്പാശേരിയിൽ സ്വർണവേട്ട; കോഴിക്കോട് സ്വദേശിയിൽ നിന്നും പിടികൂടിയത് ഒരു കിലോ സ്വർണം, ഒളിപ്പിച്ചിരുന്നത് അടിവസ്ത്രത്തിലെ പ്രത്യേക അറയിൽ

കൊച്ചി: നെടുമ്പാശേരി വിമാനത്താവളം വഴി അനധികൃതമായി കടത്താൻ ശ്രമിച്ച ഒരു കിലോ സ്വർണം കസ്റ്റംസ് പിടികൂടി. കോഴിക്കോട് സ്വദേശി ഷൗക്കത്താണ് അറസ്റ്റിലായത്. പാന്‍റ്സിലും അടിവസ്ത്രത്തിലും ഒളിപ്പിച്ച് 48 ലക്ഷം രൂപ വില വരുന്ന സ്വർണമാണ് ഇയാൾ കടത്താൻ ശ്രമിച്ചത്.

ക്വാലലംപുരിൽ നിന്ന് എത്തിയ ഷൗക്കത്തിന്റെ കൈവശം സ്വർണമുള്ളതായി രഹസ്യവിവരം ലഭിച്ചിരുന്നു. മൂന്ന് പാക്കറ്റുകളിലാക്കിയാണ് സ്വർണം ഒളിപ്പിച്ചത്. രണ്ട് പാക്കറ്റുകൾ പാന്‍റിസിലെ പ്രത്യേക അറക്കകത്തും ഒരു പാക്കറ്റ് അടിവസ്ത്രത്തിനുള്ളിലുമാണ് സൂക്ഷിച്ചിരുന്നത്.  

അടിവസ്ത്രത്തിലെ അറയിൽ സ്വർണം വച്ച ശേഷം തയ്ച് ചേർക്കുകയായിരുന്നു.