തിരുവനന്തപുരം : കര്‍മ ന്യൂസില്‍ തനിക്ക് ഷെയറുകള്‍ ഉണ്ടെങ്കില്‍ അത് സിപിഎമ്മിന് നല്‍കാന്‍ തയ്യാറാണെന്ന് പ്രതിപക്ഷ നേതാവ് വി.ഡി. സതീശന്. എംഎല്‍എ പി.വി. അന്‍വര്‍ കഴിഞ്ഞ ദിവസം വിഡി സതീശന് കര്‍മ ന്യൂസില്‍ പങ്കാളിത്തമുള്ളതായി പ്രസ്താവന നടത്തിയിരുന്നു. വിഷയത്തില്‍ മാധ്യമ പ്രവര്‍ത്തകരോട് പ്രതികരിക്കുകയായിരുന്നു അദ്ദേഹം.
മറുനാടനെ സംരക്ഷിക്കുന്നത് പ്രതിപക്ഷത്തിന്റെ ജോലിയല്ല. മുഖ്യമന്ത്രിയുടെ ചെസ്റ്റ് നമ്പറില്‍പ്പെട്ടയാളാണ് താന്‍, ചെസ്റ്റ് നമ്പര്‍ എത്രയാണെന്ന് എംഎല്‍എ അന്‍വര്‍ തന്നെ ഇടട്ടേയെന്നും വി.ഡി. സതീശന് പ്രതികരിച്ചു.
അതേസമയം മാധ്യമ സ്ഥാപനങ്ങള്‍ക്ക് ചെസ്റ്റ് നമ്പര്‍ കൊടുത്ത് പൂട്ടിക്കും എന്ന് ഭീഷണി മുഴക്കുന്നു. അന്‍വര്‍ പറയുന്നത് അനുസരിച്ച് പോലീസ് പോകുന്നു.അന്‍വറിന് വെല്ലുവിളിക്കാന്‍ ആരാണ് ധൈര്യം കൊടുക്കുന്നത്. മാധ്യമ പ്രവര്‍ത്തകരെ അധിക്ഷേപിക്കാന്‍ എംഎല്‍എ തന്നെ നേതൃത്വം നല്‍കുന്നു. പിന്നാലെ സൈബര്‍ ആക്രമണവും നടക്കുകയാണെന്നുമായിരുന്നു വി.ഡി. സതീശന് കഴിഞ്ഞ ദിവസം പറഞ്ഞത്.
പ്രതികരിക്കാൻ ഇവിടെ എഴുതുക: