അമ്പലപ്പുഴ: കാക്കാഴം മേല്‍പ്പാലത്തിന്റെ ദുരവസ്ഥക്കെതിരെ യുവമോര്‍ച്ച അമ്പലപ്പുഴ മണ്ഡലം കമ്മിറ്റിയുടെ നേതൃത്വത്തില്‍ പ്രതിഷേധിച്ചു. പാലത്തില്‍ മഴക്കുഴികള്‍ അനുവദിച്ച എംഎല്‍എ എച്ച് സലാമിന് അഭിനന്ദനങ്ങള്‍ എന്ന ഫ്‌ളെക്‌സ് പാലത്തില്‍ സ്ഥാപിച്ചാണ് പ്രതിഷേധ പരിപാടി സംഘടിപ്പിച്ചത്.ബിജെപി മണ്ഡലം പ്രസിഡന്റ് വി ബാബുരാജ് ഉദ്ഘാടനം ചെയ്തു.
യുവമോര്‍ച്ച അമ്പലപ്പുഴ മണ്ഡലം പ്രസിഡന്റ് ലെതിന്‍ കളപ്പുരക്കല്‍ അധ്യക്ഷനായി. യുവമോര്‍ച്ച ജില്ലാ ജനറല്‍ സെക്രട്ടറി എസ് അരുണ്‍, യുവമോര്‍ച്ച മണ്ഡലം ജനറല്‍ സെക്രട്ടറി സച്ചിന്‍ അയോധ്യ, യുവമോര്‍ച്ച ജില്ലാ കമ്മിറ്റി അംഗം അഖില്‍ അനിരുദ്ധന്‍,മണ്ഡലം കമ്മിറ്റി അംഗം വിഷ്ണു, ബിജെപി ഏരിയ ഭാരവാഹികളായ ഹരികൃഷ്ണന്‍, രഞ്ജിത്, പ്രവീണ്‍, ശ്രീകാന്ത് എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: