പൊന്‍കുന്നം: ഉദ്ഘാടനം നടത്തി ഒരുവര്‍ഷം തികയുന്നതിനു മുമ്പേ പുനലൂര്‍-മൂവാറ്റുപുഴ ഹൈവെയില്‍ കുഴികള്‍ രൂപപ്പെട്ടു. പൊന്‍കുന്നത്തിനും എസ്ആര്‍വി ജങ്്ഷനും ഇടയില്‍ത്തന്നെ നിരവധിയിടങ്ങളിലാണ് കുഴികള്‍ രൂപപ്പെട്ടിരിക്കുന്നത്. പല കുഴികളും വളവുകളില്‍ ആണെന്നുള്ളത് വാഹനങ്ങള്‍ അപകടത്തില്‍ പെടുവാനുള്ള സാധ്യത വര്‍ധിപ്പിക്കുന്നു.
ചെറിയ മഴയില്‍ തന്നെ റോഡില്‍ പലയിടങ്ങളിലും വെള്ളക്കെട്ടുകള്‍ രൂപപ്പെട്ടത് കഴിഞ്ഞദിവസം ജന്മഭൂമി വാര്‍ത്ത നല്കിയിരുന്നു. റോഡ് നിര്‍മാണസമയത്തുതന്നെ പണികളിലെ അപാകതകള്‍ നാട്ടുകാര്‍ ചൂണ്ടിക്കാണിക്കുകയും പ്രതിഷേധിക്കുകയും ചെയ്തതാണ്. എന്നാല്‍ റോഡിന് പത്തു വര്‍ഷത്തെ ഗ്യാരന്റി ഉണ്ടെന്നും എന്തുസംഭവിച്ചാലും നിര്‍മാണക്കമ്പനി പരിഹരിക്കുമെന്നുമായിരുന്നു അധികാരികളുടെ മറുപടി.
പ്രതികരിക്കാൻ ഇവിടെ എഴുതുക: