വാഷിംഗ്ടണ്‍: യുഎസ് സര്‍ക്കാരിന്റെ ഔദ്യോഗിക ക്ഷണപ്രകാരം അമേരിക്കാസന്ദര്‍ശനത്തിനൊരുങ്ങുന്ന പ്രധാനമന്ത്രിയെ വരവേറ്റ് അമേരിക്കയിലെ വിവിധ സ്റ്റേറ്റുകളിലെ ലഫ്. ഗവര്‍ണര്‍മാരും. പ്രധാനമന്ത്രി മോദിക്ക് ഊഷ്മളമായ സ്വാഗതമെന്ന് കണക്ടികടിലെ ലഫ്. ഗവര്‍ണര്‍ സൂസന്‍ ബൈസീവിക്സ്.
“ലോകത്തിലെ ഏറ്റവും വലിയ ജനാധിപത്യ രാഷ്‌ട്രത്തിന്റെ നേതാവ് (നരേന്ദ്രമോദി) ലോകത്തിലെ ഏറ്റവും പഴയ ജനാധിപത്യ രാഷ്‌ട്രം സന്ദര്‍ശിക്കുന്ന പ്രത്യേക സന്ദര‍ഭമാണിത്,” ലഫ്. ഗവര്‍ണര്‍ സൂസന്‍ ബൈസീവിക്സ് ട്വിറ്ററില്‍ കുറിച്ചു. ഇന്ത്യയും യുഎസും ഒരുപോലെ ജനാധിപത്യത്തെ അഭിനന്ദിക്കുന്നവരാണ്.-സൂസന്‍ ബൈസീവിക്സ് കുറിക്കുന്നു.
അതുപോലെ യുഎസ് കോണ്‍ഗ്രസ് അംഗമായ മൈക് കോളിന്‍സും മോദിയുടെ വരവിന് മുന്നോടിയായി അഭിനന്ദനമറിയിച്ചു. തീവ്രവാദത്തെയും വലിയ ശത്രുവായ ചൈനയെയും ചെറുത്തുനില്‍ക്കുന്നതിന് ഇന്ത്യയും യുഎസും ഒരുമിച്ച് പൊരുതുന്നു എന്നായിരുന്നു അദ്ദേഹത്തിന്റെ ട്വീറ്റ്.
പ്രതികരിക്കാൻ ഇവിടെ എഴുതുക: