രഹസ്യ രേഖകളുടെ അന്വേഷണത്തിൽ ട്രംപിനെതിരെ കുറ്റം ചുമത്തി, ഫെഡറൽ ക്രിമിനൽ കുറ്റങ്ങൾ നേരിടുന്ന ആദ്യ മുൻ പ്രസിഡന്റ്

മയാമി :ഫ്ലോറിഡയിലെ മാർ-എ-ലാഗോ റിസോർട്ടിൽ നിന്ന് കഴിഞ്ഞ വർഷം കണ്ടെത്തിയ നൂറിലധികം രഹസ്യരേഖകൾ തെറ്റായി കൈകാര്യം ചെയ്തതുമായി ബന്ധപ്പെട്ട ഫെഡറൽ ഗ്രാൻഡ് ജൂറിയുടെ രഹസ്യ രേഖകളുടെ അന്വേഷണത്തിലാണ് ഡൊണാൾഡ് ട്രംപിനെതിരെ കുറ്റം ചുമത്തിയത്. ഇതോടെ രണ്ടുതവണ ഇംപീച്ച് ചെയ്യപ്പെട്ട മുൻ പ്രസിഡന്റിനെ ഫെഡറൽ ക്രിമിനൽ കുറ്റങ്ങൾ നേരിടുന്ന ആദ്യ മുൻ പ്രസിഡന്റായി.

മിയാമി ഫെഡറൽ കോടതിയിലെ കുറ്റപത്രം അസാധാരണമാണ്, കാരണം ഒരു മുൻ പ്രസിഡന്റിനെതിരെ ഒരിക്കലും ഫെഡറൽ കുറ്റകൃത്യങ്ങൾ ചുമത്തപ്പെട്ടിട്ടില്ല.
ഏഴ് കുറ്റങ്ങളാണ് ട്രംപിനെതിരെ ചുമത്തിയിരിക്കുന്നതെന്നും അതിലൊന്നെങ്കിലും ഗൂഢാലോചന നടത്തിയെന്നും ഒരു വൃത്തങ്ങൾ പറഞ്ഞു. കുറ്റം  നിഷേധിച്ച മുൻ പ്രസിഡന്റ്, ചൊവ്വാഴ്ച ഉച്ചതിരിഞ്ഞ് മിയാമി ഫെഡറൽ കോടതിയിൽ ഹാജരാകാൻ തനിക്ക് സമൻസ് ലഭിച്ചതായി  പറഞ്ഞു.

ട്രംപ് വൈറ്റ് ഹൗസിൽ നിന്നുള്ള രഹസ്യരേഖകൾ അദ്ദേഹത്തിന്റെ ഫ്‌ളോറിഡ മാർ-എ-ലാഗോ റിസോർട്ടിലേക്ക് കൊണ്ടുപോകുമ്പോൾ നിയമവിരുദ്ധമായി കൈകാര്യം ചെയ്‌തിരുന്നോ എന്ന് അന്വേഷിച്ചുവരികയാണ്. മാൻഹട്ടൻ ഗ്രാൻഡ് ജൂറി ഒരു പ്രത്യേക ഹഷ് മണി കേസിൽ ട്രംപിനെതിരെ കുറ്റം ചുമത്തി മാസങ്ങൾക്ക് ശേഷമാണ് ഈ കുറ്റപത്രം വരുന്നത്.

ഡൊണാൾഡ് ട്രംപിന്റെ അറ്റോർണി ജിം ട്രസ്റ്റി വ്യാഴാഴ്ച രാത്രി മുൻ പ്രസിഡന്റിനെതിരെ ഏഴ് കുറ്റങ്ങൾ ചുമത്തിയതായി സ്ഥിരീകരിച്ചു

തന്റെ ടീമിന് കുറ്റപത്രത്തിന്റെ പകർപ്പ് ലഭിച്ചില്ലെന്നും പകരം ഇമെയിൽ വഴി സമൻസ് ലഭിച്ചിട്ടുണ്ടെന്നും അദ്ദേഹം പറഞ്ഞു.

ട്രംപ് ചൊവ്വാഴ്ച കോടതിയിൽ ഹാജരാകുമെന്ന് അദ്ദേഹം സ്ഥിരീകരിച്ചു, എന്നാൽ മുൻ പ്രസിഡന്റിനൊപ്പം ഏത് അഭിഭാഷകർ ഹാജരാകുമെന്ന് പറയുന്നില്ല.
സ്പെഷ്യൽ കൗൺസിലിന്റെ രഹസ്യരേഖകളുടെ അന്വേഷണത്തിൽ മുൻ പ്രസിഡന്റ് ഡൊണാൾഡ് ട്രംപിനെതിരെയുള്ള കുറ്റപത്രത്തെക്കുറിച്ചുള്ള വാർത്തയെത്തുടർന്ന് രാജ്യത്തിന് “ഇന്ന് തീർച്ചയായും ഒരു കറുത്ത ദിനമാണ്” എന്ന് ഹൗസ് സ്പീക്കർ കെവിൻ മക്കാർത്തി പറഞ്ഞു.

തെറ്റ് നിഷേധിച്ച് ട്രംപ്: എല്ലാ തെറ്റുകളും നിഷേധിക്കുന്ന ട്രംപ്, അന്വേഷണം രാഷ്‌ട്രീയമാണെന്ന്. നാല് മിനിറ്റ് ദൈർഘ്യമുള്ള വീഡിയോയിൽ പറഞ്ഞു . തന്റെ മുൻകാല അവകാശവാദങ്ങളിൽ പലതും അദ്ദേഹം ആവർത്തിച്ചു.