തിരുവനന്തപുരം: കര്‍ണ്ണാടകയിലെ കോണ്‍ഗ്രസ് വിജയത്തില്‍ കര്‍ണ്ണാടക ജനതയെ സിപിഎം അഭിനന്ദിച്ചതിനെ പരിഹസിച്ച് ശ്രീജിത് പണിയ്‌ക്കല്‍. കര്‍ണ്ണാടകയിലെ കോണ്‍ഗ്രസ് വിജയത്തെ ആഘോഷമാക്കി ഞായറാഴ്ച പ്രസിദ്ധീകരിച്ച ദേശാഭിമാനിയില്‍ സിപിഎം കര്‍ണ്ണാടക ജനതയെ അഭിനന്ദിച്ചതായി പറയുന്നതിനെയാണ് ശ്രീജിത് പരിഹസിക്കുന്നത്.
എന്തിനാണ് സിപിഎം കര്‍ണ്ണാടക ജനതയെ അഭിനന്ദിക്കുന്നത് എന്നാണ് ശ്രീജിത് ചോദിക്കുന്നത്. “എന്തിനാവും സിപിഎം കർണാടക ജനതയെ അഭിനന്ദിച്ചത്? മത്സരിച്ച നാലും സീറ്റിലും ചേർത്ത് 0.06% വോട്ടുകൊടുത്ത് നോട്ടയ്‌ക്കും രണ്ടര ലക്ഷം വോട്ട് പിന്നിലാക്കി തേച്ചതിനോ?”-ശ്രീജിത് ട്വിറ്ററില്‍ കുറിയ്‌ക്കുന്നു.
കര്‍ണ്ണാടകത്തില്‍ നാല് സീറ്റുകളിലാണ് സിപിഎം സ്ഥാനാര്‍ത്ഥികള്‍ മത്സരിച്ചിരുന്നു. ഈ നാലിടത്തും ദയനീയ തോല്‍വിയാണ് ഏറ്റുവാങ്ങിയത്. ആകെ ലഭിച്ചത് 0.06 ശതമാനം വോട്ടാണ്. നോട്ട നേടിയതിനേക്കാള്‍ രണ്ടര ലക്ഷം കുറവ് വോട്ടുകളാണ് സിപിഎമ്മിന് നേടാന്‍ കഴിഞ്ഞത്.
പ്രതികരിക്കാൻ ഇവിടെ എഴുതുക: