മുംബൈ: ധോണിയുടെ സാന്നിധ്യം ചെന്നൈ സൂപ്പര്‍ കിങ്‌സിനെ പവര്‍ഹൗസാക്കിയെന്ന് രവിശാസ്ത്രി. ഈ സീസണിലും ചെന്നൈ ആദ്യ പൊസിഷനുകളില്‍ സ്ഥാനം ഉറപ്പിക്കുന്നതിന് പിന്നില്‍ ധോണിയുടെ നേതൃത്വവും സാന്നിധ്യവുമാണെന്ന് രവിശാസ്ത്രി ഒരു അഭിമുഖത്തില്‍ ചൂണ്ടിക്കാട്ടി. നാല് തവണ ചാമ്പ്യന്മാരായ ചെന്നൈ സൂപ്പര്‍ കിങ്‌സിനെ എഴുതിത്തള്ളാന്‍ ആര്‍ക്കുമാവില്ല. മഹിയുള്ളിടത്തോളം അത് അങ്ങനെയായിരിക്കും. ഒരു കളിക്കാരനും മോശമല്ലെന്ന ബോധ്യത്തിലാണ് ധോണി ടീമില്‍ അസാമാന്യമായ കോമ്പിനേഷന്‍ സൃഷ്ടിക്കുന്നത്. ഒരു സീസണില്‍ മോശം പ്രകടനം നടത്തുന്ന ഒരു താരത്തിന് പിന്നീട് തുടരാന്‍ സാധാരണഗതിയില്‍ പ്രയാസമാണ്. എന്നാല്‍ ധോണിയോടൊപ്പമാണെങ്കില്‍ അതായിരിക്കില്ല സ്ഥിതി. ഇത്തവണ മോശമായി കളിക്കുന്ന ആളെ അടുത്തതവണ പ്ലേമേക്കര്‍ പൊസിഷനില്‍ നമുക്ക് കാണാനാകും. അദ്ദേഹത്തിന് ആളുകളെ മനസ്സിലാക്കി പെരുമാറുന്നതിന് അസാമാന്യമായ പ്രതിഭയുണ്ട്. ഈ സമീപനം താരങ്ങള്‍ക്ക് നല്കുന്ന ആത്മവിശ്വാസം ചെറുതല്ല, രവിശാസ്ത്രി പറഞ്ഞു.
ഇതുവരെയുള്ള മുന്നേറ്റങ്ങള്‍ നോക്കുമ്പോള്‍ ചെന്നൈ പ്ലേഓഫിലെത്തും. അവര്‍ ധോണിക്ക് കീഴില്‍ ഒരു ടീമെന്ന നിലയില്‍ ഒത്തിണക്കത്തോടെ നില്‍ക്കുന്നു. പരിക്കിന്റെ പ്രശ്‌നങ്ങളും ഇപ്പോഴില്ല, അദ്ദേഹം കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: