കോഴിക്കോട് : കൂടത്തായി കൂട്ടക്കൊലപാതകക്കേസിലെ സാക്ഷിയായ സിപിഎം പ്രാദേശിക നേതാവ് മൊഴിമാറ്റി. കാട്ടാങ്ങല്‍ മുന്‍ ലോക്കല്‍ സെക്രട്ടറി പ്രവീണ്‍ കുമാറാണ് കോടതിയില്‍ വിസ്താരത്തിനിടെ മൊഴി മാറ്റി നല്‍കിയത്. കേസിലെ മുഖ്യപ്രതി ജോളിക്ക് അനുകൂലമായാണ് സിപിഎം നേതാവ് കുറ്മാറിയിരിക്കുന്നത്.
കേസിലെ നാലാം പ്രതി മനോജ് കുമാറിനെതിരെ മഹസര്‍ സാക്ഷിയായാണ് പ്രവീണിനെ വിസ്തരിച്ചത്. വിചാരണയ്‌ക്കിടെ പോലീസ് പറഞ്ഞത് പ്രകാരമാണ് താന്‍ ഒപ്പിട്ടത്. പോലീസ് പറയുന്നിടത്തെല്ലാം ഒപ്പിടാറുണ്ടെന്നുമാണ് ഇയാള്‍ പറഞ്ഞത്. ജോളിയുമായി ചേര്‍ന്ന് വ്യാജ വില്‍പ്പത്രം തയ്യാറാക്കി നല്‍കിയെന്ന കേസിലെ പ്രതിയാണ് ജോളി. കേസില്‍ ഇതുവരെ 46 സാക്ഷികളെ വിസ്തരിച്ചിട്ടുള്ളതില്‍ പ്രവീണ്‍ മാത്രമാണ് ഇതുവരെ മൊഴി മാറ്റി നല്‍കിയിട്ടുള്ളത്. ജോളിയുടെ സഹോദരങ്ങളും പ്രോസിക്യൂഷന് അനുകൂലമൊഴിയാണ് നല്‍കിയത്.
പ്രതികരിക്കാൻ ഇവിടെ എഴുതുക: