കൊച്ചി: ഫെഫ്ക റൈറ്റേഴ്സ് യൂണിയന്‍ ഭാരവാഹികളെ തെരഞ്ഞെടുക്കാനുള്ള വാശിയേറിയ പോരാട്ടത്തില്‍ ബാലചന്ദ്രന്‍ ചുള്ളിക്കാട് ഫെഫ്ക പ്രസിഡന്‍റായി തെരഞ്ഞെടുക്കപ്പെട്ടു. എതിരാളിയായ നടന്‍ ജോയ് മാത്യുവിനെ വലിയൊരു മാര്‍ജിന് തോല്‍പിച്ചാണ് ബാലചന്ദ്രന്‍ ചുള്ളിക്കാട് ജയിച്ചത്.
റൈറ്റേഴ്സ് യൂണിയന്‍ വൈസ് പ്രസിഡന്‍റുമാരായി മങ്കൊമ്പ് ഗോപാലകൃഷ്ണനും സിബി കെ തോമസും തെരഞ്ഞെടുക്കപ്പെട്ടു. ജോയിന്‍റ് സെക്രട്ടറിമാരായി സന്തോഷ് വര്‍മ്മയും ശ്രീകുമാര്‍ അരൂക്കുറ്റിയും തെരഞ്ഞെടുക്കപ്പെട്ടു.
ജിനു എബ്രഹാം ജനറല്‍ സെക്രട്ടറിയായും ശ്രീമൂലനഗരം മോഹന്‍ ട്രഷററായും തെരഞ്ഞെടുക്കപ്പെട്ടു. ഫെഫ്കയ്‌ക്ക് കീഴിലുള്ള എഴുത്തുകാരുടെ കൂട്ടായ്മയായ പ്രധാന സംഘടനയാണ് ഫെഫ്ക റൈറ്റേഴ്സ് യൂണിയന്‍.
ഉദയകൃഷ്ണ, ജെസന്‍ ജോസഫ്, ജോസ് തോമസ്, ബാറ്റണ്‍ ബോസ്, ബെന്നി ആശംസ, ബെന്നി പി. നായരമ്പലം, ഷൈജു അന്തിക്കാട്, സുരേഷ് പൊതുവാള്‍ എന്നിവരാണ് എക്സിക്യൂട്ടിവ് അംഗങ്ങള്‍.
പ്രതികരിക്കാൻ ഇവിടെ എഴുതുക: