തിരുവനന്തപുരം:മലയാള സിനിമകയിലെ 80 കളിലെ നായികമാര്‍ ഒരു വേദിയില്‍ അണി നിരന്നത് കൗതകക്കാഴ്ചയായി. ചലച്ചിത്ര നിര്‍മ്മാതാവ് കിരീടം ഉണ്ണിയുടെ മകന്റെ വിവാഹച്ചടങ്ങളില്‍ പങ്കെടുക്കാനെത്തിയതായിരുന്നു ഈ നായികമാരെല്ലാം.
കാര്‍ത്തിക, മേനക, വിന്ദുജാമേനോന്‍, ശ്രീലക്ഷ്മി, ചിപ്പി, സോനാനായര്‍….തുടങ്ങി ഒട്ടേറെ നായികമാരെ ഒരു വേദിയില്‍ കണ്ടപ്പോള്‍ കാഴ്ചക്കാര്‍ക്കും കൗതുകം. ഇവരുടെ കൂടെ ഫോട്ടോയ്‌ക്ക് പോസ് ചെയ്യാന്‍ മേനകയുടെ ഭര്‍ത്താവ് സുരേഷ്കുമാറും എത്തി.
ഒരു കാലത്ത് മോഹന്‍ലാലിന്റെ നായികയായിരുന്ന കാര്‍ത്തിക ഇപ്പോള്‍ പൂര്‍ണ്ണമായും സിനിമാരംഗം വിട്ടു. കാര്‍ത്തികയെ ഒരു നോക്ക് കാണാന്‍ വിവാഹച്ചടങ്ങിനെത്തിയവര്‍ തിക്കിത്തിരക്കുകയായിരുന്നു. ചിപ്പി ഇപ്പോള്‍ സീരിയലില്‍ തിരക്കിലാണ്. അധികവും ഭര്‍ത്താവ് തന്നെ സംവിധാനം ചെയ്യുകയും നിര്‍മ്മിക്കുകയും ചെയ്യുന്ന സീരിയലുകളിലാണ് ചിപ്പി ശ്രദ്ധ കേന്ദ്രീകരിക്കുന്നത്. ശ്രീലക്ഷ്മി സീരിയലിലും സിനിമയിലും വേഷമിടുന്നു. വിന്ദുജ ഇപ്പോള്‍ സിനിമയില്‍ നിന്നും പിന്‍വാങ്ങി.
പ്രതികരിക്കാൻ ഇവിടെ എഴുതുക: