തിരുവനന്തപുരം: റെയില്‍വെ പാസഞ്ചേഴ്‌സ് അമിനിറ്റീസ് കമ്മിറ്റി ചെയര്‍മാന്‍ പി.കെ കൃഷ്ണദാസിന്റെ നേതൃത്വത്തില്‍ 10 അംഗ പിഎസി സംഘം സ്‌റ്റേഷന്‍ ഇന്‍സ്‌പെക്ഷന്‍ നടത്തുന്നു. ശനിയാഴ്ച രാവിലെ 11ന് തിരുവനന്തപുരം റയില്‍വെ സ്‌റ്റേഷന്‍ പരിശോധിക്കുന്നു. യാത്രക്കാര്‍ക്കാവശ്യമായ സൗകര്യങ്ങള്‍ വര്‍ദ്ധിപ്പിക്കുവാന്‍ നിലവിലെ സാഹചര്യങ്ങള്‍ വിലയിരുത്താനും ഉദ്ദേശിച്ചാണ് സ്‌റ്റേഷന്‍ ഇന്‍സ്പക്ഷന്‍ നടത്തുന്നത്.
സന്ദര്‍ശനത്തിന്റെ ഭാഗമായി ജനപ്രതിനിധികളില്‍ നിന്നും വിവിധ സംഘടനകളില്‍ നിന്നും യാത്രക്കാരില്‍ നിന്നും ഉയരുന്ന അഭിപ്രായങ്ങളും നിര്‍ദേശങ്ങളും ക്രോഡീകരിച്ച് ആവശ്യമായ വികസന പ്രവര്‍ത്തനങ്ങള്‍ സംബന്ധിച്ച് ഒരു വിശദ പദ്ധതി റിപ്പോര്‍ട് കേന്ദ്ര റെയില്‍വെ ബോര്‍ഡിന് സമര്‍പ്പിക്കും. നാല് ദിവസം നീണ്ടുനിന്ന പരിശോധനയ്‌ക്ക് ശേഷം നാളെ ഡിആര്‍എമ്മിന്റെ നേതൃത്വത്തില്‍ ഡിവിഷന്‍ തല ഉന്നത ഉദ്യോഗസ്ഥരുമായി പിഎസി സംഘം ചര്‍ച്ച നടത്തുന്നു.
ചെയര്‍മാനെ കൂടാതെ കമ്മിറ്റി അംഗങ്ങളും ഉന്നത ഉദ്യോഗസ്ഥരും റയില്‍വെ സ്‌റ്റേഷന്‍ ഇന്‍സ്പക്ഷനില്‍ പങ്കെടുക്കും. കഴിഞ്ഞ പതിനഞ്ചാം തിയതി ഗുരുവായൂര്‍ റെയില്‍വെ സ്‌റ്റേഷനില്‍ തുടങ്ങിയ ഇന്‍സ്പക്ഷന്‍ തൃശ്ശൂര്‍,എറണാകുളം, കോട്ടയം, ആലപ്പുഴ, പത്തനംതിട്ട,കൊല്ലം ജില്ലകളിലെ വിവിധ സ്‌റ്റേഷനുകളില്‍ സന്ദര്‍ശനം ഇതിനകം പൂര്‍ത്തിയായി.
പ്രതികരിക്കാൻ ഇവിടെ എഴുതുക: